طبيــب الاسـنان

انا الحين في شهر الرابع و بدى عندي ألم خفيف في طرس العقـــل من اسبوع و أنا مطنشه لكن الألم زاد علي امــس فقلت اروح عند طبيبه فقط للاستشاره لا اكثر ..

وصلت الحبيبه عند الدكتوره ( يعني انا ) و دخلت عندها و شيكت مكان الالم و قالت : اوه ماي قـــووود ( يخرب بيتها خرعتني هههـ ) قلت لها : بلاج دكتوره شو فيه ؟؟ و صدمتني و قالت : طرس العقل عندج خلاص رايح كله و ما بقى منه شي و لازم ينشل فورا اذا ما لحقتي الحين عقب عادي تستوي لج التهابات وألم فظيع و غيره و غيره و اذا دخلتي في 7 ابد ما نقدر نسوي لج شي الين تربين @_@

بنات انتو تعرفون انه بيكون معاك بنــج و هذا اللي انا خايفه منه لانه سمعت في ناس راحو فيها بسبت البنج و الاهم من جي خايفه عل اللي في بطني من تشوهات لا قدر الله و البلاوي الثانيه برغم انه الدكتوره طمنتني و قالت لا تخافين البنج هذا أمن عل البيبي و مار اح ياثر عليه و لا تحاتين ؟؟

شورو علي بنــات و اللي عندها تجربه تخبرني و تفيدني فيها يزاكم الله خير .. و ادعو لي ربي يسهل علي و عل الكل ان شاء الله …