السلام عليكم
اشحاااالكم ؟؟
حبايبي انا محتاره عند منو اتكيج في ملجتي .. اتمنى تساعدوني ..
مدحولي مكياج شمس اللي فبوظبي
ومكياج نبيله
وبدريه السويدي
دخيلكن بناااااااااااات بشو تنصحوني .. لا تبطون عليه عشان الحجز ترى ما بقى شي ..
ولى تنصحوني بحد ثاني ..
واذ حد عنده صور يكون احسن ..اسمحولي والله بس صدق محتايه
وللحين جاااري البحث عن فستان للملجه .. ممكن اعرف شو الالوان الدارجه..شو الموضه الحين ..
بما ان ملجتي راح تكون في قاعه .. البس فستان منتفش ولى ضيج
وان شاء الله في ميزان حسناتكم يااااااااااااااااارب
وعقباااال البنوتاااات
نبيلة احلى
للرفع
ما اعرف بدرية بس نبيله شفت وحدة مكياجها كان لروعة .. بس في وحدة ثانية مكياجها كان مول مب حلو ..
بالنسبه للفستان .. ذهبي بنفسجي اخضر والتركوازي وردي فوشي
تسلمووون ياللي رديتوا
اسعدني مروركم ..
وفي انتظار البقيه ..
دخييييييلكن بناااات والله محتايه رايكم ضروري
مرااااااااحب
موفقه يالغلا ، و الله يسعدج و يهنييج حبيبتي ،،
انا بخبرج شو سويت ف ملجتي ،،
لبست فستان ملكي لونه ذهبي ،، و لبست عليه تااج نفس لون الفستان ،، وسويت رفعه عسبت التاج ،، و الباقي نزلته على طول ظهريه ،، و شوي يبت على الينب ،، و الفستان خذيته من عند اموري فاشن اللي ف المهيري سنتر ،، بس لا تلبسين شال ،،لو تبينه ساتر خليهم يحطون لج رقعه تناسب الفستان
بيني و بينج فسااتينه ذوووووووق ،، لكن اسعاره دبغتين ،،
و مكياجي كان ستايل لبناني ،، ساميه كانت معدلتنيه ، عيونيه كانت حادتنهن ب الأسود و الذهبي ،، و الروج كان احمر على ذهبي ،،
و امممم و المسكه سويتها لونين ابيض و ذهبي ، و كان ظاهر منه كرستال و خرز و كانت سمبل ،،
و اهم شي تكونين مرتاحه ،، و لا تسوين شراتيه ،، اول ما شفت الحريم ،، قامن ريوليه يتنافضن و جنه حد صفعني على ويهيه
و يالله يارب اطلعييييييين احلى عروسه ان شاء الله
و الله يوفقج طيوبتنا
موفقة