السلام عليكم خواتي بغيت اخذ رايكن واتشاور معاكن على شي الغاليات كان خاطري اسير تركيا السنة وخاصة اوزنجول وترابزون واللي شجعني اكثر موضوع اخت شما وبديت استفسارات من على النت والناس اللس سارو ويوم خبرت ريلي قال اوكي عنده ربيعه يشتغل في قنصلية الامارات اللي في تركيا وشجعنا وايد على زيارة اوزنجول وقال خلاص انا ساير عقب اسبوعين وبشوف الاوضاع هناك ويوم سار اتصل على ريلي وقال ما تنطاح زحمة رهيبة من الخليجيين وخاصة السعوديين اللي قاطعين الخط بر ما شاء الله عليهم وبطبعي موووووووووووووول ما اداني الحشرة والتجمعات وشي رايحيين استجمام مب نخسر فلوسنا وما نرتاح وخلاص كنسلنا……………… وبما ان زوجي عاشق مصر والمصيبة يوم يرد يقول ما عيبته قال مصر قلت لا أبدآ اون ماي ديد بدي شغل زطاطة يعني ههههههههههه والحين قال عندج ابها ولا سوريا ولا صلالة قلت عيل بشاور بنات المنتدى قال حتى في هاذي هههههههههههههههه يلا يا بنات الشور عندكم المهم طبيعة وفندق نظيف واكل نظيف ومكان بااااااااااااارد كرهت المكيف……………………. واللي تقولي سيري مكان تدليني تقول سيري هالفندق وهالمطعم زين وهالمكان فيه وفيه اوكي ابتدن بسم الله…..
عيل اذا جي مالج الا سوريا ،،
انا ما سرتها بس وايد ناس يمدحونها .. طبيعتها حلوة وجوها يقولون حلو ..
بس ما عتقد تحصلين شي اذا كنتي حاطة في بالج تسوين شوبنق ..
انا ها رايي انتي شو رايج 
عن نفسي لو كنت مكانج
اذا بتسيرون قبل تعتمرون بعدين تمرون على ابها اوكية بس اذا ما بتعتمرون
عن نفسي افضل صلاله
المشاركة الأصلية كتبت بواسطة بنت الفلاني 
اذا بتسيرون قبل تعتمرون بعدين تمرون على ابها اوكية بس اذا ما بتعتمرون
عن نفسي افضل صلاله
الغالية ما اقدر اعتمر شو اسوي عندي يهال ولا بشل البشكارة ما اباها بسنا من فضولهم وحشرتهم……….
صلاله حلوة
المشاركة الأصلية كتبت بواسطة بنت الفلاني يقولون جي ما اعرف الاماكن الحلوة فيها طالبة فزعتكم؟؟؟؟؟؟؟؟؟؟؟؟؟
هلي توهم رادين من سوريا وقالوا سوريا وايد غالية …. انا اقترح صلالة