السلاام عليكن ورحمة الله وبركاته
شحالكن
الحمدالله بفضل الله بنيت البيت والحين في المرحله الثانيه من ناحية (عزكن الله) سيراميك الحمامات والارضات..عندي ثلاث غرف بدرسينج روم وحمام وصاله وميلس
وابا نصيحتكن في احسن انواع السيراميك راك او الاسباني او الايطالي وشو رايكن احط فراش في الميلس وغرفتي .. سمحلي طولت عليكن.. واترياا ردكن..
والي تعرف محلات في الامارات كلها لا تبخل علينا ويزاكن الله خير
طبعا افضل انواع السيراميك هو الاسباني والإيطالي بعد زين
الميلس أنا رايي تحطين رخام أفضل
وغرفة النوم بدال الموكيت حطي باركيه …عملي ومرتب وسهل التنظيف
وممكن تحطين عليه سجادة حلوة 
والله يجعله منزل مبارك ان شا الله 
رائــي من راي الدماني ،،،
مشكورات على الرد فديتكن
انا شفت سيراميك راك اغلبه عادى احلى شى الاسبانى وعن الموكيت مع الوقت بتملين منه غير جيه يباله تنظيف وعنايه بشكل مستمر انا فكرت فيه وعقب غيرت رائى ممكن تحطين قطع سجاد سهل بالتنظيف واذا مليتى منه او اخترب بسهوله تغيرينه وحق الميالس مول موب حلو تحطين موكيت الافضل بورسلان يعطى فخامه واضاءه للمكان
المشاركة الأصلية كتبت بواسطة hind25 
مشكوره الغالية على الرد..ويزاج الله خير
استخدمي سيراميك راس الخيمة للبيت كله اوفر لج و ما يخلص – يعني دوم تحصلينه في السوق
و خلي الاسباني والإيطالي للميلس و الصالة
موكيت ما انصح فيه – لكن هاتي سجاد للتغيير و سهولة التحريك
بالتوفيق