السلام عليكم ورحمة الله وبركاته
حبايبي بسألكم
شو من مساحيق الغسيل تستخدمون لغسيل ثياب اطفالكم؟
عندي بنتي عمرها شهر وشوي
أول بيبي لي
اغسل لها ثيابها بتايد
لكن اخافه مب زين ؟
ماعندي خبره
أفيدوني يزاكم الله خير
شوفي ترى أغلب الاطفال بشرتهم حساسه وما يتحملون الصابون العادي
الافضل تستخدمين صابون خاص بملابس الاطفال
من وجهة نظري مافي احسن من صابون الوزير انا استخدمه لكل عيالي لين يكملون سنتين
اهذي النوع المبشور اسعل فالاستخدام من القطع
صابون الوزير االلي يميزه انه طبيعي من زيت الزيتون وحتى يوم تغسلين الملابس بايدج تحسينها ناعمه عكس الصابون العادي يجفف الايد
وانتي ادرى عيال هالزمن كل حد يشكي من الاكزيما و الصابون له دور فيها ترى
أنا استخدم الصابون العادي تايد أو بارسيل .. والحمد لله ما صار شي ف عيالي
استخدم تايد حبيب العائله
السلام عليكم ورحمة الله
انا عن نفسي استخدم صابون الوزير للملابس البيضا ولملابس الاطفال نعومة وبياض وصابون طبيعي
ملابس اليهال وبهذا العمر بالذات اذا رجع او وصخ وطفر من البامبرز اخذي وغسليه بايدج باي صابون صلب القطع مب السائل للايد لايف بوي او ديتول افركي مكان الزواع ومن يخوز حطيه في الغسالة واي صابون ترتاحين حطيه وخفي من الداوني او الكمفورت او حطيه مع صابون الغسيل
المشاركة الأصلية كتبت بواسطة Ward-uae 