السلام عليكم ورحمة الله وبركاته
ماشاء الله معظم العضوات فالمنتدى معرسات لذلك بسألكم سؤال
وحتى اللي ماعرسن بعد اذا يبون يجاوبون مب مشكله لانه مش خاص بالمعرسات فقط . .
بعضكم عنده بيت مستقل وبعضكم عايشين مع أهل الزوج والبعض للحين ماعرسن
وطبيعي في اي وقت ممكن اييوون ضيوووف ..
المهم ..
انا ابا اعرف اذا مثلا انتي بروحج فالبيت وريلج محد او اهلج محد فالبيــت
وفجأه ما شفتي الا سياره يم بيتكم ولازم تظهرين للضيوف وترحبين فيهم عسب يدشوون
( على اعتبار انه مافي ريال فالبيت وانتي الكبيره ) . . وكان بين هالضيوف
رياييل . .
شو ممكن تسوين ؟؟
بتظهرين لهم اووو لا . .
وبرأيج شو ممكن ياخذون عنج فكره عقب اذا ماظهرتي ؟؟
مش لازم تقعدين وياهم فالميلس . . يعني الرياييل اكيد بيقعدون بروحهم
والحريم بروحهم .. بس انا قصدي اول ماا يوصلوون اكيد الحريم ما بيدشون
الا اذا انتي ظهرتي لهم والرياييل بعد بيتمون وااقفيـن برع وياهم !
بالنسبه للحريم برحب فيهم وبقرب فيهم… ( وأنا ما بطلعلهم بخلي البشكاره اللي اتدخلهم ^^ )
أما الريال اذا رياييل البيت بيوصلون قريب بخلي البشكاره اتدخله الميلس لين يوصلون… أما اذا رياييل البيت مطولين ولا بيردون بتعذر من الحريم وبقوللهم أنه محد ريال فالبيت ( وأكيد ما بدخله البيت ).
بس اذا كان من الأهل.. عادي ^^
^__^
على حسب منو الضيوف اذا من القرايب بظهر لهم
وما ادري شو بسوي اذا كانوا غرب ^_^
بدخل الحريم فالميلس وبخبرهم انه مافي ريال عشان يخبرون الرياييل ^^ واكيد هم بيستحون وبيروحون او بيتريون الحريم فالسياره
up up up
لووول
ما احب هالمواقف بس اذا اهلنا عادي حياهم حتى لو أنا راقده بقوم
خلهم يشوفوني بكشتي ماعندي خلاف
بس طبعا لو غرب هني الوهقه
اول شي بتصل على اهلي وبقولهم اللحين تردون من برع عندنا ناس فالبيت
ترى ما بظهر لهم بفضحكم هههه ها كله بس عسب ما يتأخرون ويخلوني بروحي
طبعا بكون قايله للبشكاره تدخلهم الميلس وبسير اتكشخ ههههه مال مشي حالك 5 دقايق ما يأثرن
وعقب بيلس ويا الحريم وبقربهم بسوي عمري حرمه سنعه هههه
اما الريايل ماعرف بس طبعا اكيد بخلي البشكاره تقول لهم ان ارباب مب موجود فالبيت
وبث
الخدامه موجوده بدخل الحريم الصاله والرياييل في الميلس الخارجي لين ما الاهل يردون البيت