مرحبا يا امهات يا فاضلات
عندي موظوع شوي طريف وشوي يعور الراس 
الشرع حلل 4 واللهم لا اعتراض بس
اذا في يوم ياج ريلج وقال انا تزوجت شو راح يكون موقفج
1. بتسكتين وبتصبرين وبتحطين على قلبج صخر علشان خاطر عيالج
2. بتطلبين الطلاق
3. ما بتطلبين الطلاق بس بتكرهين زوجج حياته هو والثانيه كل يوم نكد ومشاكل
شو راح تسوون من بين هالثلاث اشياء
انا عن نفسي ما بين الاول والثالث
اكيد ما ابي اطلق واكيد ابي اعيش مع عيالي واكيد بحتسب امري لله وبسكت
بس قبل كل هذا والله لا اروايه نجوم الظهر هي وياه بخليها تكره حياتها انها
خذت واحد مزوج مشاكل 24 ساعه وهو اساسا ما راح يرتاح من عوار الراس
الي يقول انه هو راح يميل لها اكثر لاني بسوي مشاكل فهالشي راح يكون
عادي عندي لاني حزتها ابي انتقم وخلاص
ادري اني شريره صح
الشرع حلل 4 و هذا الشي ربي حلله ما اقدر اقول اكثر من جي
والنعم بالله وانا ما قلت عكس هالشي
بس ما اعتقد ان وحده ريلها تزوج عليها راح تقول له مبروك الشرع حلل اربع
اكيد راح يكون في اكشن ودراما
ان شاءالله لا يي هاليوم .. الله يحفظلنا ازواجنا
<< انا بعدي مب متزوجه بس داشه عرض ههههه
اول شي
بخصوووص اللي يقولن الشرع حلل اربع 
.. 
.. الشرع حلل اربع لاسباب
يعني اذا الحرمه ماتيب عيال
واذا الحرمه مب مريحه ريلها وكله مشاكل ويااه
<< وفي مثل يقول ادب النسى بـ النسى وادب الهجن بـ العصى 
بس اذا الوحده مب مقصره وياه ليش يتحيون وياخذ وحده غيرها
اونهم يطبقون السنه يعني ؟؟ 
السنه مثل ماقلت زواج لاسباب
وهم اذا عندهم قدره للزواج يساعدوون واحد محتتاج ويزوجونه
ويضربون طيرين فحجر
واصلا سنن الرسول صلى الله عليه وسلم واايده
ماشوف حد يطبقهاا 
<< طبقو هـ السنه بس وبعد فاهمينها غلط <_<
ادري اتفلسفت واايد بس يقهر بي هـ الموضوع 
ما اتخيل اعرس وعقب سنه ياخذ علي وحده
والله للعن خير خيره 
وبخيره بيني وبينها يعني اذا يباها يطلقني
وبس خخخخخ
ما استطيع ان اتخيل
هالمواضيع انطرحت وايد
ورايي تغير فيها بتقدمي السن ونضوج عقليتي
يعني قبل كنت اقول اكيييييييييد بطلق وخلافه
ولكن الحين اقول لا بعيش حياتي ويا عيالي لكن بعيد عنه وانا عذمته
ولكن اذا صار هالشي فعلا ما اعرف شو ممكن يكون رايي حزتها
خاصة اني انسانة مستقلة وعندي شهادتي وشغلي