السلام عليكم ورحمة الله وبركاته
اشحالكن خواتي
الموضوع باين من عنوانه
شو يعيب الريال؟؟
دينه؟
أخلاقه؟
فلوسه؟
عيوب خلقية؟
شو بالضبط؟؟؟
الكل يعرف بهالمقولة
"الريال ما يعيبه إلا مخباه"
هل صحيح هالكلام؟؟
يعني لو الريال غني بس لا دين ولا أخلاق … شو فايدة الغنى هني؟؟
اوكي
لو الريال أوكي من كل الجوانب
دين .. أخلاق .. ومال
بس عيبه انه معيوب خلقيا … يعني عايش بريل صناعية مثلا أو فيه تشوه
بتوافقين عليه لا تقدم لج؟
واذا لا ليش؟
ترا اللي فيه هو ماله دخل فيه … كله من عند رب العالمين
ههههههه من قريت العنوان قلت بكتب هالمثل الي حاطتنه لووووول
هو صدق مايعيب الريال الا مخباه
بس القصد بـ هالمثل .. ان الريال لو شكله مب حلو .. لو متين .. لو اسمر لو ابيض
هالاشياا ماتعيبه شرات الحريم ..
الا مخبآآه
وطببببعااا دينه و اخلاقه >> هذا بالنسبه لي وللبعض ..
اما لو معآق .. ها الشي بأيد الله . مانقدر نتكلم ..
بس انا مخباه مايهمني لوووووول
يهمني اخلاقه و دينه ^.^
بشكل عااام انا برمس…
يقولون بهزمن إلي يعيب الريال جيييبه..
لاحول ولاقوة إلا بالله
واكيييد الدين مهم ومحد يقول غير هرمسه
بس اهم شي جييبه
ما يعيب الريال الا لو كان من غير خلق ودين
اما الأشياء الثانيه ما تهم شو الفايدة لو في فلوس
وامور ثانوية ثانيه وماشي خلق ودين؟
ما نقول ان هالاشياء بعد مب مهمه بس مب
اكثر عن الخلق والدين اللي هو اساس الحياة الزوجية
والتفاهم بين الزوجين
^,^
يسلمو عالموضوع
دينه ثم أخلاقه هذا اللي يعيب الريال ..
الريال بدون دين واخلاق شو خانته ؟!!
بس مخباه ما يعيبه إلا فحاله وحده يوم يكون بطالي عطالي هني تقدرين تقولين يعيبه مخباه اما لو يشتغل بس راتبه على قده مب مشكله ..
بالنسبه لإعاقته ابدا ما تعيبه لأنه مب هو اللي سوا بعمره جي هذا شي من الله وفي مليون معاق احسن واعقل من اي ريال عادي ..
أكيييييد يعيبه اذا ما عنده دينْ و خلقْ .. !!
أساسه الريال دينه و خلقه .. يا اختيه صح التركيز فالبيزات و المخابي بس والله هذا لو تشعلينه
نار بيروح في لحظه و ما بيتم منه بيزه حمر ..
الريال بدينـه و علاقته مع الله و أخلاقه ..
هذا شو بتخافين وياه ؟؟
يخاف الله .. يعني ما بيسوي الحرام و لا بيقربه ..
و غايته و نيته فالدنيا ا كون غير رضا الله سبحانه و تعالى ..
و أخلاقه طيبه و سنعة .. يعني ما بتشوفين الا الزين
و هو اللي بيصونج و بيحترمج و يحطج على الراس
شو تبا الوحده أكثر عن جيــه ؟؟
الله يرحمنا برحمته و يثبتنا على دينه و طاعته و يرزقنا حسن الخاتمه و الفردوس الأعلى
يااارب العالمين ..
وو صح على البنات اللي يقولون الريال مثلا أعمى و لا فيه ريل ناقصه و ما تباه عشا هالشي
تراه الريال الكامل يا حبيبتي .. عادي لا سمح الله يصيبه شي و يغدي حاله حال اللي ما يبصر و لا ما عنده
ريل و لا إيد ..
يعني هذي مب أعذار لرفض ريال عنده دين و خلق
تقول وحده ماباه لنه ما يبصر .. !!
الله المستعان ..
أستغفر الله العليّ العظيم و أتوب إليــه ..