السلام عليكم
بقيت أسألكم شو رايكم بالباركيه؟
والاحلى نفرش منه بالبيت والا نحطي سيراميك؟
ووين احلى مكان له مثلا بالصالة او بالميلس او بغرف النوم؟
انتظر ردج والله يجزيكم كل خير
الباركييه حلو شكله واحس يعطي جو حلو للبيت بس شوي مزعج في المشي يسوي صوت
وبعد الرخام فيه منه اشكال حلوه
بس كله يعتمد على الذوووق
واسمحيلي اختي ماحبيت امر من غير ما ارد عليج
هلا اختي الباركيه وايد استوى موضه هالايام وحلو الواحد يحطه عالممرات وغرف النوم اما الصالات فالاحلى انه يكون سيراميك لانه ما يغبر بسرعه نفس الباركيه
الباركيه دافي يعني تمشين حافية ما يأذييج عادي… والسراميك والرخام وااايد بارد … يعني ما ترومين تمشين خطوة وانتي حافية ف الشتا..
حطينا باركيه ف صالة صغيرونه خارجية بس اخترب التكييف .."سبليت يونيت" وقام يقطر الماااي منه ع الباركيه.. ومسحناه بس تمت الريحة ف الصالة تقريبا 3 ايام وماشي خوز ريحة الرطوبة من اول يوم لا تهوية ودخون..
وللعلم لازم يتنظف ع طول من الغبار لانه يزلق.. اكثر عن مرة اليهال زلقوا منه..
بالمختصر الباركيه ادفى والسيراميك انظف.. شوفي شو الاهم لج .. ولج الاختيار..
انا مركبه باركيه وغرانيت احلى ونوعيته احسن من السيراميك ..ومثل ماقالوا الخوات لج كل واحد له ميزته ..بس اذا حابه باركيه خليه لغرف النوم والصالات كاشي عشان الالوان بتطلع احلى للصالات والميالس ..والحين ممكن تحصلين سيراميك مثل الباركيه شكله سالي المحلات وبيفيدونج ..شوفي هاي الصوره لصالتي تحت غرانيت لو تنتبهين شكله مثل الرخام .. مافي فراغات بين الكاشي لانه مقطوع بالليزر افضل من يوم العامل يقطعه بروحه فيكون المعجون واضح ..وفوق باركيه خشب
يقولونـ البــاركيه يخترب في جونــا ،، لأنه خشب و جونا دومـ رطوبــه !!
في شي بتلاقيــنه عند محلات الديكور ، اسمه نيفيل
مثل السجـــاد ينفرش على الأرضيـــه كااااااامله ،، بس شكله باركيــه و قطعته تقريبــا بلاستيك
ماعرفـ أوصف لج عدلـ ^.*
و اييج كذا شكل و لووونـ ،، تختــارين اللي تبينه
للرفع نبا نستفيد من خبرتكم^^