صباح الخير الاقمار,الحلوات,الحبوبات,الخلوقات و في الاخير المتعاونات:22 (5):
اكيد تقولون اناناسة شو ياينها من اول الصبح يالسة على النت بس لو اقوللكم ليش بتعذروني و ارجوج اي وحدة تدش تعطيني افكار لوجبات سريعة و بسيطة حق الريوق لان توى و ابوالشباب رايح الشغل طلبني و قاااااااااااااااال:1 (67):
كل يوم تكليننا اناناس حشى لاعت جبدنا خخخخخخخخخخخخخ:1 (38):
اتقشمر قال :
عيزتيننا و كل يوم نفس الريوق بيض+اجبان+عسل +جام و شاي حليب:1 (66):
سويلنا شئ عدل نتريق
ما استسلمت (و انا اعرف انني غلطانة بس لا لالالالالالالالالا مستحيل اعترف ههههههه)
قال لي ليل و نهار داشة في المنتدى شو تسوين؟؟؟؟ بس تعرفين تطلعين وصفات و تجمعينهم عندج ديكور؟(شكله يغار من منتداننا الغاوي ههههههه)
طلعيلنا اشياء نأكل للفطور
قلت له انشاءالله (بس طبعأ في قلبي)هههههههههه
يالله يا بنات لا تقصرون و انا في انتظاركم بس لا تقولون لي بلاليت لانني عمري ما اضبطها
مالت على خداماتي اللي شردوا كانوا يسوون كل شئ من
الخمير
البلاليط
رقاق
فلزيووووووووووووووو
جزاكم الله خير حبيباتي
سويله سندويتش بيض وطماط هههههههه
او شوفي تعرفين السليس هاتيه واخفقي بيض في طاسه حطي وياه شويه حليب وفانيلا وشوي سكر اذا تحبين وبعدين غمسي السليس فالبيض وحطيه عالمقلاه اللي لاوم تكون مدهونه بشويه زيت وخليه لين ما يتحمر وقدميه مع شاي حليب وايد حلو جربيه (بس لازم يكون حار يعني من النار للبطن )
وبالعافيـــــــــــــــــــــــــــــــــــــه
مشكورة غناتي غروب 11 بيلس ايمع وصفات عقب بنشر لكم كتاب تحت عنوان ريوق لريلي ههههههههههههههه
اتصدقين ما اعرف ليش ريايلنا ايغارون من منتدانا…انا دوم ايحرج بس شو اسوي ما اصبر..
اقول اسهل شي اتسوينه
1- لفي سمبوسه بالجبن يعني اخلطي جبن المراعي وشوي لبنه وحطي اذا حابه زعتر او زيتون شوفي الريل شو ايعيبه ولفيها في اي وقت تفضين وحطيها في الفريزر يوم بينش الصبح بس طلعي كم حبه من الفريزر وقليها له بيعيبه.
2- وسويله بعد فطاير بتونه واللبنه لااتقولين من صباح الله خير بياكل تونه!! لا انتي جربي وشوفي روعه وبتعيبه وكل يوم بيقولج سويلي..حري قوطي تونه شوي وعقب نزلي من على النار وحطي فيه خاشوقة مايونيز وانا افضل الي ما ركته كرافت وايد لذيذ لا اتكثرين عشان ما يضربهم صاهر انزين وحطي اشوي من الخلطه في السليس وحطي عليها شريحة طماطه وخس ولفيها بطريقه حلوه .
3- عندي طريقة بيض حلوه وسهله..قطعي طماط شريح رفيعه وصفيها في المصخن ورشي عليها قليل من زيت الزيتون وعلى نار هاديه قلبيها شوي يعني مره على الويه 1 ومره على الويه رقم 2 ان شاء الله فهمتي اللغز المهم الين التحسيبهم لانن اشوي وعقب اكسري بيض على الطماط على شكل عيون يعني يكفيه 3 بيضات تكسرينهم على الطماط وعقب حطي ملح شوي وفلفل اسود وقصري على النار على الاخر العين الصغيره..وغطي المصخن اشوي الين يستون البيضوعقب انثري عليه زيتون اسود واخضر واذا عندج شوي زعتر بس وشليه وحطي بالصحن شوي شوي عاد عليه عشان ما يخترب الشكل بتكون مثل البيتزا.
4- بعد عندج الفول المطحون من السوق حري على النار وحطيه بياكله بعد.
5- وسويله فطاير سريعه من مثل البف باستري حطيهن على المصخن مال الكيك اذا عندج الي ايسوي الكيك الصغير يعني القالب الي فيه حفر اصغيره (انتي اطاعي الوصف كيف المهم اوصل المعلومهههه) وحطي داخله جبن وزيتون وحطيه في الفرن شوي ما ياخذ وقت ولذيذ.
هذا الي اذكره الحين وان شاء الله ايعيبج
حبيبتي شي أكلات وايد مثلا:
1 يوم سويله بيض قرص
2 بيض أو طماط
3 بيض عيون أو شي انوا كثيره غير للبيض
4شندويش مرتديلا (هاتي خبز سليس اللي بالحليب حطي داخله حبت مرتديلا الدواري الصغار مع طماط وخيار وجبن _ طعمه لذيذ)
5 بلاليط (لتقولين مايضبط جربي لين تضبطينه _ شي نوعين من البلاليط شي البلاليط العادي اللي أيكون لونه أصفر أو شي البلاليط اللي ينحمس ترى هذا طعمه حلو بعد وانثري عليه جبن شيدر يطلع كلام ثاني)
6 سويله الخبز الخمير والحين أمسهلين علينه الطريقه بالمكينه مال خبز الخمير إذا سامعه عنها خذيلك وحده ( أعينيها فليل قبل ماترقدين والصبح نشي من وقت وسويله هذال الخبز الغاوي) إذا تبين بسألك ماماتي تراها أتسوي خبز خمير غاوي ومب مال المكينه لا على الفحم يطلع روعه بس مشكلة أمايه ماعندها مقادير ثابته يعني بتقولك حطي الطحين مع السكر مع البيض ….بس بدون مقادير او صراحه ما أدري أشقايل يضبط معاهم…
7- سويله الخببيص
8-سوي النخي
9- سوي العرسيه
10- سويله خبز جباتي وله براته
(حبيبتي ترى كتب الطبخ ماتقصر __ساعات تضبط معانا و ساعات اتخيب)
شوفي الغالية ترومين اتسوين فطاير الجبن بس اللي تكون على شكل جباب مثل المناقيش بس يكون مبند مثل القمر بس ها لازم توعين من الفير و بعد عصير برتقال فريش ..بتستانسن ..
شوووو راااااااااااااااايج؟؟؟
المشاركة الأصلية كتبت بواسطة susu 
1 يوم سويله بيض قرص
2 بيض أو طماط
3 بيض عيون أو شي انوا كثيره غير للبيض
4شندويش مرتديلا (هاتي خبز سليس اللي بالحليب حطي داخله حبت مرتديلا الدواري الصغار مع طماط وخيار وجبن _ طعمه لذيذ)
5 بلاليط (لتقولين مايضبط جربي لين تضبطينه _ شي نوعين من البلاليط شي البلاليط العادي اللي أيكون لونه أصفر أو شي البلاليط اللي ينحمس ترى هذا طعمه حلو بعد وانثري عليه جبن شيدر يطلع كلام ثاني)
6 سويله الخبز الخمير والحين أمسهلين علينه الطريقه بالمكينه مال خبز الخمير إذا سامعه عنها خذيلك وحده ( أعينيها فليل قبل ماترقدين والصبح نشي من وقت وسويله هذال الخبز الغاوي) إذا تبين بسألك ماماتي تراها أتسوي خبز خمير غاوي ومب مال المكينه لا على الفحم يطلع روعه بس مشكلة أمايه ماعندها مقادير ثابته يعني بتقولك حطي الطحين مع السكر مع البيض ….بس بدون مقادير او صراحه ما أدري أشقايل يضبط معاهم…
7- سويله الخببيص
8-سوي النخي
9- سوي العرسيه
10- سويله خبز جباتي وله براته
(حبيبتي ترى كتب الطبخ ماتقصر __ساعات تضبط معانا و ساعات اتخيب)
عاد احنا هيازه بنش من غبشه اخبز ولا اخبص انا اشوفه صعب عليه لانه هو يطلع الفجر انا متى انش ..اقووول شهيتيني بخبز امج الخمير خاطري اكله الحين ويا دبس