مرحبا الغاليات … شحالكن ربكن بخير ,,, بنات عندي بعض من المكونات وماااعرف شو اسوي فيهم ,,, خذتهن مشان اسويللي خلطه مشان التبييض وهوّنت عنها (( عيااازة)) خخخخ
المهم …
المكونات هن << ورد مطحون , كركم الجسم , زيت اللوز , كريم جلسويد الاحمر>>
بــــــــــــــس
عاد لا اطنشوني ,,, ترا اتريا الردود
هلا أختي
انا ماافهم في هالشغلات وايد بس وايد سمعت ان زيت اللوز ويا الليمون أوكي لتفتيح الجسم اذا خلطيهم مع بعض
وبلنسبة للجلسرين أنا أخلطه مع قطرات من الليمون وأتدهن منه قبل لاأرقد (الجلسرين غير عن الجلسوليد) ^ _ ^
بتستفيدين منه
شوفى اختى
اول شيء جهزى ورق الورد اوكى يعنى شيلى منه الشوائب
بعدين سخنى زيت اللوز على النار وبعد مايسخن وايد فضى الكركم مع الزيت
وبعدين اتركيه على النار طبعا مع التقليب لمدة 3 دقائق
وبعدها ضيفى ملعقتين عسل نحل مع ورق الورد والجلوسيد وتمى بالخلط
وبعد ماتحسين ان كل المكونات انخلطة مع بعضها وصارت مثل العجينه
حضرى عصير ليمون مقدار نصف فنجان واخلطيه مع المكونات الثانيه
وفنجان صغير قمح الشعير واخلطيه معاهم
وحطى كل هالمكونات مع بعض فى علبه واتركيها بالثلاجه
كل ماتحتاجى منها طلعيها واستخدمينها
طريقة الاستخدام
اول شيء اترسى البانيو ماى ساخن وملح واقعدى فيه لمدة ربع ساعه
بعدها اطلعى وادهنى جسمج وهو مبلل بالخلطه وتمى بالفرك لمدة 10 دقائق
بعدها جيبى الليفه وابتدى بالفرك مع الماى يعنى بللى الليفه بالماى وافركى الجسم زين مازين
وبعدها غسلي بالماى واى نوع شور تحبينه
وبعدها ادهنى الجسم كله جلسرين سائل
ويالله بشرينا
شكرااا حبايبي على الردود الطيبه