بسم الله الرحمن الرحيم
عندي موضوع مهم جدا لربات البوت وأولهم أنا
جدور الطبخ
شو أحسن الأنواع
تجاربكم
الأنواع الي يستخدمها الشيف يعني الي تدوم وما تصدي
ياريت تحطولنا أسماء ولو صور بعد أحسن بس صور الكرتون مب الجدر عسب نعرف الإسم
ولا تقولون تيفال لأني صح ممتاز وانا استخدمه 6 سنين عبه انج إذا نسيتي واستخدمتي جفش أو محماس حديد ينخدش وتتقشر الجدور
يلى عاد عطونا رايكم ومن الخبرة الي بتحل هاي المشكلة
ةالسموحة ولاتحرمونا منكم
أأنا أعانى من نفس مشكلتش وانتظر الحل
أعتقد الألمينيوم …….
ومب كله طبعا كل ما كان قاع الجدر ثجيل كان أفضل …." سمعت ها المعلومة من الشيف أسامة "
صح الالمنيوم احسن شي
بس بشرط انه يتنظف زين قبل الاستعمال
والافضل طبعا مثل ماقالت الاخت ام شماني اللي قاعته غليظه .
الغاليه تيفال وايد زين جربي…
الستيل احسن شي حتى في التنظيف واااااااايد سهل
انا كل مرة اشتري شي لين اجمعلي طقم ان شاء الله
هذي تجربتي الخاصة
انا صراحة اخذ الي لوووووووووونه فضي برا وداخل ومن الانواع الرخيصه وهي الوحيده الي دامت عندي ومستحيل افكر فغيرها
لان مايدخل فتركيبها اي شيء ضار
وهاي الي ينصحون فيها دايما
100%
