السلام عليكم ورحمة الله وبركاته
بنات شو أحسن عيادة أو مستشفى لإجراء عملية استئصال اللوزتين للأطفال؟؟؟؟
بنتي عمرها 5 سنين وأبي أسويلها عملية لللوزتين واللحمية ومب عارفة وين أسويلها مسكينه واايد تتعب منها يعني كل إسبوعين تقريبا تمرض…..gif "12 (46)")
.gif "12 (17)")
فالله يخليكم لو تعرفون عيادة زينه ومضمونه لا تبخلوا علي ولو اتخبرونا عن الأسعار بكون شاكرة لكم
أتريا ردودكم بفارغ الصبر ولو ما تعرفون يكفيني منكم الدعاء لبنتي بالشفا.gif "12 (63)")
اولا الله يشفي بنتك وابناء المسلمين جميعا
ثانيا انا سويتها في مستشفى انجاب الطبي السنة اللي طافت لولدي وكان عمرة 6 سنوات
اتصلي على 181 واساليهم عن المستشفى مودوة بالشارقة واساليهم الاسعار يمكن غلوها ما اعرف
الله يقومها بالسلامة
وليش العيادات اختي؟؟انا سويتها فدبي الحكومي احيدني وكنت فسادس ابتدائي^^سويتها ويا اللحمية بعد
مشكورات خواتي وأنا بصراحة أخاف من المستشفيات الحكومية بس إذا كان المستشفى مضمون بتوكل على الله وبسويلها
بس أفضل العيادات الخاصة … وبنتريا ردود البنات إن شاءالله ما بقصروا معاي
يالله بنات الله يخليكم شوري علي لأني ما أبي أأخر لها العملية تدرون رمضان جريب وابي أسويلها قبل رمضان
ارفعولي الموضوع ولو بدعوه حلوة منكم
نصيحه لوجه الله يا أختي
حرام تسوين عمليه في عياده خاصه و تتركين المستشفيات الحكوميه المجهزه بأحدث
الاجهزه.يكفي أن إذا تعب المريض في العيادات أو المستشفيات الخاصه يبعثونه إلى المستشفيات الحكوميه.
أنا سويت لأبني و بنتي عملية اللوز في مستشفى دبي و الحمد لله العمليه ممتازه والخدمه
خمس نجوم.جزاهم الله ألف خير.
افرضي لا سمح الله حد تعب بعد العمليه وين يسير؟ العيادات والمستشفيات الخاصه أغلبها ما عندها
وحدة العنايه المركزه.
بالتوفيق
تسلمين إختي كازو ترف على نصيحتج وصدقتي بكلامج… وانا بصراحة كنت ناوية أسويلها في المستشفى الحكومي بس الناس خوفتني ويقولين لي سويها في عيادة خاصة أحسن لج وأنا ما أدري الصراحة مترددة …
بس إذا شفت الكل ينصحني بالحكومي بتوكل على الله وبسويلها وقبل كل شي بستخير ربي
ويزاج الله خير
نتريا نصايحكم خواتي