بسم الله الرحمن الرحيم
السلام عليكم ورحمه الله وبركاته
اشحالكم يا خواتي؟
عساكم طيبين وامبارك عليكم قرب شهر رمضان
عسى الله يتقبل أعمالنا وأعمالكم ويكتبنا من عتقائه من النار قولي آآآمين
بقولكم اكتشافي اللي اكتشفته هالاسبوع
الله يسلمكم أنا من 3 أسابيع تقريبا كنت في مارك اند سبينسر
اللي في الفيستافيل .. ورحت صوب الكريمات والميك اب
قلت آخذ لي كريم مرطب للويهه لأن كريماتي اللي استخدمهم من
بودي شوب عطيتهن لبنت أختي
وحصلت كريم ليل ونهار وشريت التونر
وعادي استخدمة من ذاك اليوم .. بس أحيانا أنسى أحط كريم الليل
من بداية هالأسبوع
الكل يقولي ويهج منور ما شاء الله ..!
أنا ما افتكرت في السالفة عادي طااااف لوول
واليوم بعد زميله ما شفتني من شهر
قالتلي نفس الرمسة أنه ويهي صافي ومنور
أنا قلت في خاطري يمكن عسب أشرب وااايد مااي هاليومين ههههه
والحين يلست أفكر: يا ترى إيه سر جمالي هاليومين خخخخخ <<شرات دعاية فير اند لافلي هههه
وأنا اسبح ولعت اللمبا في راسي
وقلت ما في شي غيرته غير كريماتي
واعتقد والله اعلم انه هم وراء هالصفاء
وقلت اشارككم تجربتي،،وهاي صور الكريمات
وهاي صورة التونر
ترى الكريم الواحد بـ 45 درهم بس ..!
وريحته حلوة مثل المانجو .. وما يدهن (أنا بشرتي دهنيه وما حسيته يدهن موول)
بس ما أذكر سعر التونر
يالله دعواتكم لي بالهداية والصلاح والجنة
والله ينور ويهنا بنور الايمان والصلاح
^_^
مشكوووره الغاليه
يبااالنا عيل
ثاااانكس على الموظوع
بنجرب عيل
vitamin C to brighten, creatine to revitalise
يعني الفيتامين سي ينور الويهه وينشطه
انا ما حب آخذ من هالمحل لأنه صاحبه يهودي ،، بس قبل كنت آخذ منهم وحاليا وقفت
مشكوره يا قلبى
الله ينولج اللى تبين
ويزاج الله كل خير
موفقه