السلام عليكم خواتى الكريمات
بخبركم سالفة الاثيوبيه حسبى الله عليها شو سوت في ؟؟؟طبعا انا موظفه وعجزت من ابدل الخدم وكل وحدة فيها عيب وانا مو من النوع الى يضارب الخدم إلا على خطأ كبير
المهم يبت وحدة من مكتب عجمان وكانت مشتغله فى قطر 4 سنوات وصرفت عليها 6000 مع الاقامة والفحص والمكتب كانت تشتغل وتنظف بشكل عادى يعنى ماحسيت انها مشتغله قبل
حاولت مرات ومرات ومرات انها تسوى حركات لزوجى
من هذى الحركات
1_اول ما ايى البيت تترك كل الشغل وتسير تسبح وتتعدل والعطر حدث ولا حرج مع انها استغفر الله ماتشيهد ابد ومع انى خذت لها لبس خدم الا انها تلبس مخور يايبتنه وياها من قطر تتحسب ابو الشباب بيصد صوبها مع انه كان رسمى معاها وريلى مطوع مايطالع الحريم الاجنبيات
2_اذا يا زوجى يبدا اول شى يلاعب العيال ويركض وراهم فى الصاله ماتخوز ابد وتموووت من الضحك بصوت عال حتى هو لاحظ انها جريئة
3_ تحفظ اغانى عربية واغانى طيور الجنة واتم تغنى بصوت عاال علشان هو يسمعها تتحسب عمرها ام كلثوم والمضحك المبكى انها تيول وتسوى حركات مثل اليوييله والله ماشافها سعود الكعبى وإلا بسويلها حرمان من لبلاد
4_ قبل اسبوع ياء وقت الراتب وطلب ريلى منها رقم علشان يطرش فلوسها على صرافه وكنت يالسة عدال ريلى زين زين اقسم بالله يابنات جلست جلسه عدالة بطريقة خلته يشمز منها
فجت ريولها وكنها يالسه جلسه وانتو بكرامة على مرحاض ارضى فى وجهه يعنى عورتها فى وجهه
5_ كانت لئيمة من نظراتها حقوودة اذا طلعت ويا ريلى اتم تطالع بنظرات حقووودة
ويوم شافت ماشى فايدة من ريلى سرقت مبايل ولدى ونظارتة ومبايلى ومبايل ولدى شردت من البيت ويا واحد الفير يوم الخميس الماضى حسبى الله عليها الخايسة وعساها فلوسى حرام فى بطنها
عممنا عليها والجوازات طلبو منا تدفع لتذكرة قلت والله ما ادفع اول شى يودوها وعقب بصفعها تصفيع وبفرها فى المكتب وطبعا المكتب رفض يعطينا فلوسنا اونه لازم نردها عليهم
لاحول ولاقوة إلا بالله
حمدي ربج يت على جي زين الحقد يولد كل شي
ونداء نداء لكل وحده قبل ما تيب اي شغاله
تاخذ رقم كفيلها السابق و تتصل فيه و تتاكد من اخلاقها
و تصلي الاستخارة اهم شي
هيه والله حمدي ربج انها سارت بدون ما تجتل حد ولا اتسوي عمل لريلج استغفر الله لا تستبعدين اي شي عنهن الله يحمينا من شرهن اذا عيالج كبار ييب بارت تايم احسنلج من شركات معروفه الله ايوفقج
حسبي الله عليها
شو سالفة الاثيوبيات كله يشردون
لاحول ولاقوة إلا بالله
هاا اللي ناخذه من الخدم ما يي منهم الا ويع االراس
الله يعينج اختي ان شاء الله تاخذين حقج
هاذيلا الخدم مالهم امان ابدا ابدا ابدا انا خدامتي كنت اثق فيها ثقه عمياء واخر شي شردت مع اني كنت اعتبرها مثل اختي
حسبي الله عليها وين ما راحت
الله يكفينا شر الخدم