السلام عليكم [CENTER]كيف حالكن بنات [CENTER]خاطري اسوي شاورما في البيت بس ماعرف [CENTER]اذا حد يعرف يخبرني وكمان الصوص اللي يسوونه اقصد الثوم [CENTER]ارجوكم اللي تعرف تخبرني بكون شاكره لها .gif "12 (63)")
معقوله للحين ماحد رد وينكم يابنات
هلا حبوبة
شوفي الغالية اول شي تشتري اللحمة اللي نفس الستيك الرفيع
2- تنقعينه بالخل والزيت(زيت عادي وزيت زيتون شوية) + البصل شرائح رفيعة+ملح+بهارات الشاورما+فلفل اسود+رشة ضغيرة قرفة ناعمة + ملعقتين طعام روب لكل كيلو لحم
3-تتركينه من ساعة الى 3 ساعات
4- تحطينه على نار (ضو) وسط حتى يبدأ بالغليان
5- تضيفين ثلاث ارباع كوب ماء لكل كيلو لحم
5- تحركينه حتى يصير كله نفس اللون
6- تضيفين عليه شرائح بصل زيادة وطاطم
7- تغلفينه بورق الالمنيوم او تحطينه في الفرن لين يستوي اللحم
8- تسوي خلطة بقدونس مفروم نااااااعم وفجل ناعم او مبروش مع بصل مبروش وسماق وملح
9- الخلطة الثانية طحينية مقدار واحد نص مقدار ماء وليمون وملح على حسب الطعم وممكن اضافة ملعقة روب
وبالعافية
شكر ا اختي يزاج الله خير اختي
للرفع
انا عندي اسرع شوارما
جهزي الطحينيه وهي عباره عن ملعقة طحينيه ملعقتين روب فصين ثوم مدقوق جيدا وشوية ماي وفنجان ليمون بس
وينحلط عدل
الشاورما
قطعي صدور الدياي شرايح ونقعيهم مع زيت الزيتون والفلفل الاسود وشوية ملح وثوم مدقوق لمدة ساعتين
هاتي التاوه حطي في نصها طماطاه وخبقيها شويه اهم شي اتحطينها في النص حطي الدياي دور ماداير الطماطاه
وغطيه وخلي الدياي لين ماينظى وحركيه يوم بتشوفين الخلطه نشفت عرفي الدياي نظا
هاتي خبز اللبناني شوية طحينيه وحطي الشاورما وشوية مخلل وشوية بطاط ولفيه
وبطلي ثمج وكليها كلها وبالعافيه عليج
ان بعد طريقتي مثل
ميثانو