شرح بالصور يا عروس يا متزوجه يا بنوته شلون تتعطرين عشان ريحتج تنشم من بعد كيلو تعالو

يا عروووس يا متزوجه يا بنوووته

شلونكم شخباركم

بنات انا حابه اقولكم سر من اسراري

وما يغلى عليكم

وبما اني استفدت وايد من مواضيعكم

ان شاء الله تستفيدون من موضوعي المتواضع

اولا كلما نتعطر قبل لا نطلع

او للعرووس او المتزوجه قبل لا تنزل لحمولتها

سواء دراعه – عباة – بدله

او اذا كنا معزومين عند ناس او صديقات او حريم

نترشرش … بس شوي ولا ريحة العطر راحت

ولا جنه متعطرين
انزين شلون نثبت العطر قبل لا ننزل للحموله او قبل لا نطلع

اولا نحتاج للآتي

1- ست للعطر احنا نحبه فرنسي
2- عطر شرقي اذا انتي من النوع اللي تحبين
3- بودرة جونسون
4- دهن عود
5- بخور

اولا

طبعا تاخذين شور على الراحه

وتستخدمين الشور جل للعطر اللي اخترتيه

مثلا انا اخترت لكم فرساجي

واول ما تطلعين من الحمام حمام الهنا

تنشفي ونشفي شعرج

وتدهني بالبودي لوشن والبودي السبراي مال العطر

==========

بعدين اخذي بودر جونسون وحطيها على جسم

بس على راحتج تقتدرين تستخدمين بودرة جونسون او المسك وتحصلينه عند القرشي تاخذينه وتطحنينه يصير مثل البودر
وتحطين على الاماكن اللي موضحه في الصورة مع وع القليل من البودر على المؤخره

========

شي مهم يا بنات

عطري هدومج واهيا معلقه وقبل لا تلبسينها تدرين ليش ؟؟؟؟؟؟؟؟؟؟

عشان تحافظين على العطر لمده اطول

لانه وانتي لابسته ماراح تستفيدين من العطر الا بنسبة 20 %

و 20 % في الجهاز التنفسي و60 % في الجو

========

لبسي اندر ويرج

اخذي دهن العود او العطر الشرقي

وحطيهم في نقاط النبض في الجسم وانا موضحه في الصور النقاط

واصلا وانتي قاعده تحطين راح ترتكز ريحة دهن العود بخشمج

=========

لبسي دراعتج او عباتج

وشبي فحمة وتبخرين حطي البخور تحت ملابسج تحت العباة او الدراعه

وقعدي يعني من 1-3 دقايق

=========
وبعدين لبسي لفتج واخذي جنطتج

واخر خطوه اخذي العطر الفرنسي مثل ما انا اخترت مثلا فرساتجي وحركي ايدج بشكل دائري وانتي قاعده ترشين واستمري بالرش بالاماكن الموضحه في الصوره

==============

وصدقيني الكل بشم ريحة العطور والبخووور وهالسنع من بعد كيلووو

وان شاء الله قدرت افيدكم