السلام عليكم
خواتي حبيت اسال عن سيراميك و جرانيت السوق الصيني بدبي
شو رايكم فيه
للعلم انا حطيت السيراميك الصيني بملحقي كامل و تم 3 سنوات الحمد لله تمام ما اشتكيت منه بس الحين ابا اغير الصاله و الحمامات لكن ما اعرف كيف الصناعه عندهم الحين لانه صار لي سنه خارج الدوله و وايد قريت بالنت يذمونه بس المواضيع قديمه من سنة 2024
و كيف الاثاث عندهم و مغاسل الحمامات شو رايكم فيه و هل فعلا صارت اسعارهم غاليه ..??
و سمعت انهم يايبين غنفات كلاسيك روعه انا حابه اخلي ملحقي كلاسيك مودرن فيه احد شاف غنفاتهم و اسعارهم ..???
uuuuuuuuuuup
حلو السيراميك خاص الجرانيت انا ماخذ المتر من بر 42 في الصيني نفسه المتر29وحده ماخذه
الحمامات المتر 16 وانا نفسه 25 المتر
غنفاتهم المودرن روعه بصراحه
حتى ورق الجدران مالهم
منو جرب غنفاتهم وورق الجدران
المشاركة الأصلية كتبت بواسطة نبض الشارقة 
مشكوره حبوبه
المشاركة الأصلية كتبت بواسطة مروحة حيل الحمامات المتر 16 وانا نفسه 25 المتر
مشكوره حبيبتي فعلا انا خذيت للصاله جرانيت ب 6000 كامل الصاله و منقش و شفناه برع بحدود ال 16 الف نفس الشي بالضبط
بس يا اختي يوم اروح الهم شو اقول لهم هل الجرانيت انواع ??
انا كنت اسالهم احسن نوع و كنت اخذ على كلامهم بس هالمره ابا اروح الهم و انا عارفه شو اخذ