تعرفوا يا بنات
في الشغل شفت مع السكرتيرة الفلبينية كريمات وشامبوهات وعطور وحاجات نفس اللي نشوفها ونعرفها احن لكن حجمها صغير جدا يعني تنفع للشنطة والله
كولونيا جونسون وكريم فازلين وكل واحد حجمه بحجم اصبع اليد
ولما سالتها من وين قالتلي من الفلبين
وقالتلي ان هنا في سوبر ما ركتات تبيع هذه الحاجات وهي خصوصي للفلبينين
ياترى اي وحدة تعرف وين هدا السوبر ماركت؟؟
كانها قالتلي في السطوة على ما اعتقد
انتو شو رايكم؟
حبيبتي يوم انج سألتيها من وين
جان بالمرة سألتيها شو هالسوبرماركتات اللي تبيعه !!! وخبريناا !!
للرفع
ما ادري بها والله ماعرف …
تخبريها مره ثانيه عن المكان بالضبط
هذا السوبرماركت كمل سنه تقريبا ف السطوة .. ويبيع فيه اغراض فلبينيه .. مب ذاكره اسمه .. بس هو بيكون مجابل المستشفى الايراني "وين باب الطواري" .. صوب محل اسمه "امري" ..
وشو بعد … اللي ما دلت المكان تقدرون تتنشدون عن:
مكتبه 2024 أو لالس سوبر ماركت = كل هالمحلات بتكون ف نفس منطقة هالسوبرماركت ..
تحياتي ..
ان شالله دليتو المكان .. واذا ما عرفتو بحاول افهمكم مره ثانيه ..
مودتي لكم ..
المشاركة الأصلية كتبت بواسطة Differento 
وشو بعد … اللي ما دلت المكان تقدرون تتنشدون عن:
مكتبه 2024 أو لالس سوبر ماركت = كل هالمحلات بتكون ف نفس منطقة هالسوبرماركت ..
تحياتي ..
صح كلام الاخت 