السلام عليكم
منو يعرف اي معلومات عن المدرسه الخاصه اللي ف مصفح {ميري لاند}؟
بلييييز ابا اعرف كيف تدريسهم ونظامهم
اي وحده دخلت عيالها هالمدرسة تفيدني لننه ماباقي شي عن التسجيل
وابا اعرف اذا في احسن عنها بعد
هيه والله انا بعد ابى اعرف…
لان في وحدة مدخله عيالها فيها وتقول ان ميري لاند احسن عن الشويفات… في شو؟ الله اعلم
وابى اعرف عن الانشطة ومتى يردون ؟؟
انا سالت واللي عرفته انه منهاجهم بريطاني ودراستهم قويه ،، وارخص عن غيرهم بالمقارنه
بس اللي ماعجبني انه المدرسة كلها هنود المدرسين وحتى الطلبه يعني مب مقتنعه ادخل ولدي مدرسه كل مدرسينها هنود صراحه والا الباقي كلله اوكي..
مرحبا اختي
انا ولدي كان يدرس عندهم لما كانو داخل بوظبي اسعارهم جدا معقولة نظامهم بريطاني يعني وااااايد متشدد كمية الواجبات وايدة مستوى الدراسة جدا عالي انا وايد كنت احب مستوى الدراسة , عندهم اهتمام من خلال الاجتماع باولياء الامور و المتابعة يعني ولدج اجباري يطلع فاهم بس لازم اتابعين له ف البيت وله بيضيع لان مافي تساهل وكمية المعلومات كبيرة
بعد في شغلة اللي كان يدرسة ف الكي جي حاليا يدرسونة ف G3 تخيلي 
وبعد مقارنة مع عيال اهلي اللي يدرسون ف الخاص ومدارس معروفة منهج ماري لاند اكثر
طبعا ها الكلام من سنتين حاليا ماعندي فكرة .
ولدي درس لحد G1
عقب انجبرت اظهره لما انتقلوا برا لاني من سكان بوظبي ودخلتة مدرسة مبارك بن محمد والحمدلله بعد مرتاحة بس فرق طبعا
و موفقة