ســاعدوني بخصوص السفر

شخبآركم ؟

اممممم بغيت اسال شو يعني التاكس فري .؟؟؟

انا مسافرة لندن الاسبوع الياي وابغي اعرف كل شي يخص التاكس فري ..

فيدوني بليز

اذا كنتي دافعه كاش..بيردون لج الفلوس كاش, اما اذا عن طريق الكرديت كارد فبتسلمينهم الظرف مع عنوانج الكامل وبترد الفلوس في بطاقتج

وفي اماكن اخرى لاستراد الفلوس غير المطار..اساليهم هناك وين

اتمنى اكون افدتج بشي

يعني اي شي تشترينه عليه ضريبه بس لانج مب مقيمه يحقلج تاخذين التاكس

عقب ما تخلصين من مشترياتج مثلا من هارودز اخر يوم سووي التاكس فري حق كل شي اشتريته من عندهم واذا مكان بتسيريله مره وحده فسوي التاكس نفس اليوم لانه ما بترجعين له

وفي محلات ما يعطونج اذا ما عندج صورة من جواز السفر ،، فخلي عندج كوبي في البوك او صوري الجواز بالموبايل وهالطريقة دووم كنت استعملها ويجيكون الصوره من الموبايل

وعشان تاخذين التاكس فري لازم تسيرين شوي من وقت المطار لانه عليه طابووور طوووووويل

وحطي شنطة صغيره فيها الأشياء المهمه او الغاليه الي خذتيها لانه مرات يطلب منج انه يجيك الأغراض وبالذات اذا اشيا غاليه انا الحمدلله دووم ما يفتحون شنطتي بس وحده اعرفها دخلت كل الشنط الشحن على اساس ممكن ما يطلب الشنطه والأغراض وعلى حظها قالها ابا اشوف الأغراض وما طاع يعطيها التاكس فري وحطت كل التاكس فري في الصندوق ويطرشولج اياه عقب على جيكات للبريدج في الإمارات بس هذي شويه طويله

أنتي احسن شي خلي شنطه فيها الأغراض الي عليها وايد تاكس فري مثل شنط غاليه او اي شي ثاني مب الملابس وجي

وهذا تقريبا كل شي عن التاكس فري واي استفسار من عيوني