السلام عليكم و رحمة الله و بركاته
حبيباتي انا عرست سنه 2024
و الحمدلله 2024 يبت ولدي البجر .. و بعده قمت امنع طبيعي و حملت ..قلت الحمدلله ….
المهم 2024 يبت بنتي ربي يحفظها ..و عقب ما يبتها قلت باكل حبوب ياسمين ..و كليتهم بانتظام ..و ما ودرت و لا يوم و عالموعد بعد لاني ما كنت ابي احمل ..
المهم بناي كملت شهرين و نص و عرفت اني حامل ..اتخيلو و انا حامل كنت اكل الحبوب ..
يبت ولدي الثاني 2024 الحمدلله ..و عقب ولدي الاخير الدكتورة وايد مدحتلي حبوب يااز ..اول ما كليتها ياني نزيييف فضيع لمده شهرين و وايد تعبت …
المهم يوم ولدي كمل 4شهور حملت مره ثانيه بس ما تم و طاح ..
و عقب يوم يتني اول دوره بعد ما عقيت قلت مافي حل الا اللولب ..سرت و ركبت لولب ل 5 سنوات ..
و اتخيلووووو شو صاررر
حملللللت …بس بكيس فاضي و اللولب سوالي تكيسات ..و سوولي عمليه قيصريه و انا حامل في الشهر الثاني ..و تم الكيس الفاضي في الرحم .. و في الرابع خلاص يوم ما نزل بروحه سوولي تنظيف …
و التنظيف كان شهر 2 سنه 2024
و سرت حطيت لزقه قلت بجرب …و عرفت اني حامل شهر 5
الحمدلله لك يا رب صح انها نعمه بس خلاص جسمي ما يتحمل …
و اكثر من دكتورة قالتلي انا ما تنفعني الموانع ..لانها كلها اتاثر على هرموناتي و عادي احمل و اذا بحنل يا بيكون كيس فاضي او يا بيكونون توائم ..لانه راح تطلع عندي اكثر من بويضه ..بس الحمدلله حاليا حامل ببيبي واحد ..و الكيس مب فاضي …
بغيت اعرف في حد مثلي و لابس انا …هيه و في شي ثاني اوا مووول ما يطلعلي حليب ..يعني ابدا ما رضعت عيالي ..لانه ماشي حليب وايد حازلت بس ماشي ..في دكاتره قالولي لهالسبب انا احمل …
الحمدلله لك يا رب
سبحان الله
الله يعينج صراحة
يوم أن الموانع ما تفيدج فأحسن حل العزل الطبيعي يعني مب بس انتي تتعبين وريلج مرتاح
لازم هو بعد يساعدج ف هالشي لين ماجسمج يرتاح شوي وعقب أن شاء الله احملي
والله يكون بعونج
اهم شي التعاون هو الشي اللي بيساعدج واذا الله كتب الحمد الله
ربي يكون بعونك ويعينك على تربيتهم ويكون معك دومآ .
يمكن هذا الشيء خيره لك .
سبحان الله الله كاتب لج الذريه و يمكن لانج كله تحاولين تمنعين ف الله يبا يبين لج انه مافي شي راح يمنع قدرته شكلج تحطين كله ثقتج في المانع و تتفاخرين به الشي الله و اعلم بس نصيحه لا تستمرين في المنع دام الله كاتبلج ورايد لج الخلفه و ما تعرفين وين الخير عسى ان تكرهوا شيًء و هو خيراً لكم
خالتي كانت مسويه لولب و كانت تقول مستحييل احمل و سبحان الله حملت لانه كانت خايفه اتييب البيبي منغولي لانه قبل هالحمل يابت بنت منغوليه و هي كبيره في العمر فعسب جي حطت اللولب بس الله كتب لها تحمل و سبحان الله كان الجنين منغولي و اللولب دخل فيه فكانت يوميا تقرا سوره البقره و تدعي انه الله يهون عليها و سبحان الله في الخامس سقطت فتوكلي على الله و لا تعترضين على امر الله و الله يحفظلج عيالج