شحالكم خوااتي العزيزات..
ادري حشرتكم للوكه كل فتره طلبااات..خخخخخخخخخخ
هالمره لا اريد كلنا نتعاون وخاااصه تاجرات بوظبي..
السالفه اني اعرف وحده ساكنه ف بني ياس..واعليه عليها صاحب البيت يبيهم يظهرون من البيت..
وهم حالتهم الماديه ما تسمح انهم يأجرون في بوظبي تعرفون ايجارات بوظبي..كييف غااليه..
هي تبي ايجار ف بني ياس..بيت فيه 3 او 4 غرف وصاله ..!!
ف فديييت قلبكن اللي تعرف معارف ف بني ياس عندهم بيت للإيجار..او سامعه عن بيت في هالمواصفات ياليت اتبلغووني عشان ابشرها..
لانها جد كاسره خاطري المالك يباهم يظهرون من البيت ومابقى شي ع رمضان..والله حراام..>.<..
فياااا تجوراااات بوظبي حبيباااتي انتو خلنا نتعاون اللي تعرف وله ريلها او اخوها او اي حد عنده علم ..يمكن نقدر نساعدها وناخذ فيها اجر المسكينه..!!
انا عني جاري البحث من اسبووع لانهم جد نااس يستاهلون كل خير..!!
تاجرات محد ما يبا الاجر …صح..!!
اتريااااكم حبيباااتي..
عندي اهل في بني ياس .. بسألهم ان شاء الله .. و الله يفك كربها يا رب
تسلميين فديتج..!! والله بتسوين فيها خير تأجرين عليه حبيبتي..!.^^.
مرحبا
اختي انا دورت بجريدة الاعلانية هالاسبوع والسبوع اللي طاف..وهذا اللي حصلته:
للإيجار فيلا ببني ياس 5 غرف-ملاحق-مطلوب 60000 درهم
للإيجار بيت شعبي ببني ياس 4 غرف-مجلس-غرفة خادمة-مطبخ
للإيجار بيت شعبي ببني ياس غرفتين-صالة-حمام-مطبخ-شرق 9 بسعر مناسب
والسموحة عالقصور اتمنى اكون ساعدت الحرمة
المشاركة الأصلية كتبت بواسطة دار زايد1 
اختي انا دورت بجريدة الاعلانية هالاسبوع والسبوع اللي طاف..وهذا اللي حصلته:
للإيجار فيلا ببني ياس 5 غرف-ملاحق-مطلوب 60000 درهم
للإيجار بيت شعبي ببني ياس 4 غرف-مجلس-غرفة خادمة-مطبخ
للإيجار بيت شعبي ببني ياس غرفتين-صالة-حمام-مطبخ-شرق 9 بسعر مناسب
والسموحة عالقصور اتمنى اكون ساعدت الحرمة
انزين بيت شعبي بكم ايجاره..فديتج ممكن اطرشيلي البيانات والارقام لو عندح الجريده..
الله يجزيج الف خير..
للاسف انا من دبي وما عندي علم عن اي مكان للايجار فبوظبي والله كنت حابه اساعدها 
مشكووره فديتج والله ما تقصرين يسد دعاء منج الله يهون عليهم..
ويرقق قب الماللك عالاقل يخليهم ف رمضان..
حرام وين بيرمضون..