بنات بدخل فالموضوع
انا وايد متوهقه ماعرف كيف اقسم البيزات ع كل شي
الريال قالنا بعطيكم 60 الف وخلوها حق كل شي مهر ومعازيم وقاعه وفستان وزهبه كله كله
والحمدلله ع كل شي ربي الرزاق
فساعدوني كيف اقسمه
اب اب لعيون عروستنا الحلوه مبروك مقدما وربي ايتتم لكم على خير الغلا
احس شويه صعب مع هالغلا لكن ربك بيبارك فيها خدي ورقه وقلم وحاولي تقسميها حسب الميزانيه والاولويات خلها فوق
ركزي على اها شيء القاعه والكوفيرة والفستان والطاولات ومتطلباتها وما تبقى خليه اخر شيء
لانه الي ما بتلحقي عليه من لبس و مكياج ووو تقدرين بعد الزواج عادي خدي حاليا البسيط
الذهب ما اتوقع بيكفي فديتك للاسف
لكن كل الامور الي قبل تحتاج حجوزات ووسرعه في الترتيب قبل لا يتداركك الوقت
وان شاء الله الاخوات يساعدونك اكثر
أختي إن شاء الله بيكفي , أعرف وحدة دبرت عمرها ب 40ألف درهم والحمدلله , عرسها كان حلو . المهم تحطي الأولويات وتشوفي أكثر من مكان , الحين فيه قاعات كثيرة مسوية عروض خاصة مع التصوير والكوشة وغيره , يعني فل بكج وبعشرين ألف ( عندنا في الفجيرة).المهم أبتعدي عن الأشياء اللي أسعارها غالية وأبتعدي عن الأشياء اللي ممكن تشتريها بعد العرس . حطي في بالج كل هذه الأشياء شكليات و بتستخدميها كمن ساعة بس , المهم الريال يكون زين وزوج صالح يحافظ عليج . ربي يتمم لج على خير ومبارك يا عروسة .
حبيبتي 60 وين يكفون
مابا احبطج بس صعبه والله حق قاعه وفستان وعشا وتزهبين فيهم وذهب وين يكفون فهالوقت
حاولي ادورين قاعه وكوشه على ميزانيتج وتعزلين البيزات وتحطينهم بظرف وعقب بيزات الفستان والحنا والميكب .. والباجي خذيلج الاغراض الضرورية حق شهرين لان مردج بتسيرين السوق وخذيلج الاغراض الشخصيه واهتمي بجسمج وبشرتج فالبيت عشان مايكلف عليج اكثر يوم بتسيرين الصالون
وربي يسر امورج ويوفقج ويسعدج
الله يتمم لج عالخير وألف ألف ألفا مبروك
الغالية الله يتمملج على خير ان شاء الله
يعتمد حبيبتي انتي من اي منطقة ووين تبين يكون عرسج عسب نقدر نساعدج