السلام عليكم خواتي …
أنا عندي بنت عمرها عشر شهور و أرضعها طبيعي بس في الفترة الاخيرة قل عدد رضعاتها لرضعتين بس في اليوم و أبغي أعودها على الرضاعة الصناعية لسببين الاول عشان تعوض نقص الكالسيوم بسبة نقص عدد مرات الرضاعة الطبيعية و الثاني عشان يسهل علي فطامها بعدين لاني ناوية أفطمها نهائي يوم بتصير سنة و شهرين ان شاء الله , بس المشكلة انها ما رضت تاخذ المرضعة مووووووووووول و صارت تخاف و تصيح اذا شافتها !
فشو الحل وياها ؟ بليز خواتي جاوبوني …
المشاركة الأصلية كتبت بواسطة Class Lady 
أنا عندي بنت عمرها عشر شهور و أرضعها طبيعي بس في الفترة الاخيرة قل عدد رضعاتها لرضعتين بس في اليوم و أبغي أعودها على الرضاعة الصناعية لسببين الاول عشان تعوض نقص الكالسيوم بسبة نقص عدد مرات الرضاعة الطبيعية و الثاني عشان يسهل علي فطامها بعدين لاني ناوية أفطمها نهائي يوم بتصير سنة و شهرين ان شاء الله , بس المشكلة انها ما رضت تاخذ المرضعة مووووووووووول و صارت تخاف و تصيح اذا شافتها !
فشو الحل وياها ؟ بليز خواتي جاوبوني …
أنا عندي نفس المشكلة .. و أحاول و ياها
يبالها صبر لين تتعود عليها .. حاولي تعطينها اياها يوم تكون يوعااانه بشدة
انزين سؤال : كيف كنتي تشربينها الما ؟؟؟؟؟؟؟
كنت أشربها الماي بالمرضعة بس كانت ترضع شوي و بعدين تقعد تلعب فيها و تصب الماي منها يعني نفس الحالة بس ويا الماي أهون شوي , أما و يا الحليب أبد ما ترضع حتى انها ما اطيع تيودها و تخاف منها
نفس مشكلتي مع ولدي ..
من يشوف الحليب فالرضاعه ما يرضا يمسكها بس يوم أحطله عصير ولا ماي عادي يشرب ..
بس الحليب أبدا ما طاع حتى يوم يكون يوعان وأحطها في حلجه يطلعها برا ..
ما عرفت شو أسوي معاه وألحين عمره سنه و5 شهور وبس يرضع مني ,,
مشكورة اختي على الرد
نبغي الخوات الامهات الشاطرات المجربات يجاوبونا و يساعدونا كنت وحدة و صرنا ثلاث في هالمشكلة
ساعدوووووووووونا بلييييييييييييييييييييييز
إلي ما يرضع ولدها الحليب لكن يمص الرضاعه عادي بالعصير أو الماي تعطيه الحليب وتحليه بسكر جلوكوز شويه , وتشربه الحليب بالظلام والليت مسكر وشرط يكون يوعان مره على مره بيتقبل هاي من تجارب الوالده ومشاء الله يشربون .
والطفل إلي عمره عشر شهور وما يتقبل الرضاعه صعب يتعود خاصه لو إنتي إلي بتعلمينه بيرفض لأنه يشوفج
ممكن تخلينه عند الوالده من الصبح لين الليل ولما بيوع وما بيشوفج بيرضع لكن بتتعبون بالبدايه وبيتعب الياهل بس صبري عليه وبتلاقيها خلال أسبوع تقبلت أهم شي ما تشوفج
ومن رأيي إنج ما تعطينها رضاعه عوديها على طعم الحليب بالكأس المخصص للأطفال تدريجيا لين تتقبل وحليه بالسكر أو العسل