مرحبا خواتي
اتمنى تساعدوني في الاختيار
انا محتاره
احدر بنتي (صف اول)
مدرسة حكومية ( مدرسة سارة الراشدية دبي)
ولا خاصة ( مدرسة دبي العربيه الامريكيه )
انصحوني محتاره
مشكورات
شوفي الغاليه
حطي في بالج اول شي انج اذا بديتي وياها في الخاص ما تنقلينها حكومي بعدين و العكس بعد
ولازم تحطين في بالج بعد المصاريف كل مرحله اغلى من اللي بعدها مش بعدين تتعبين من الصرف و تقولين برجعها حطومي احسن
فكري عدل و اذا شفتي عمرج مستعده توكلي و دخليها خاص
بس لازم تكون انجليزيتج انتي بعد قويه عشان تحتاج متابعه وااااااااااااااااايد و خصوصا ايام الامتحانات يحتاي تيلسين وياها و تدرسينها و تسوين لها امتحانات لا تعتمدين على غيرج
واسالي عن المدرسه و ان شاء الله تتوفقين
واذا لج خاطر في الحكومي لا تهتمين بكلام اي حد و توكلي على الله
ترى الخاص استوى موضه و لا الحكومي ما بلاه شي بس الناس صاروا يدخلون عيالهم في الخاص بس مظاهر
صلي الاستخاره والله يهيلج الدرب اللي في توفيقها يا رب
مشكوره الغالية
الحكومي له ايجابياته وسلبياته
والخاص له ايجابياته وسلبياته
انا دخلتها حكومي وبشد حيلي وياها
حتى يكون مستواها عالي ان شاء الله
تسلمين الغاليه
فديتج انا من رايي تودينها مدرسه خاصة لان اللغة الانجليزيه قويه عندهم ويأسسونهم عدل اما الحكومة ما اشوف ان تأسيسهم قوي في اللغة الانجليزيه
مشكوره خواتي
انا امبوني مسجلتنها بالخاص
لكن سمعت انهم يأسسون الانجليزي عدل
والعربي ميح وانا مابى بنوتي تطلع نسخه انجليزيه
تسلمون عالمرور والاراء
دخليها خاااااااااااااااااااااااااص
بس تابعيها عدل
احسنلها في المستقبل يوم بتقدم حق اي جامعه او كليه على طول بيحطونها دايركت انتري
المشاركة الأصلية كتبت بواسطة *كـراميل* 
انا امبوني مسجلتنها بالخاص
لكن سمعت انهم يأسسون الانجليزي عدل
والعربي ميح وانا مابى بنوتي تطلع نسخه انجليزيه
تسلمون عالمرور والاراء
لالالالا بالعكس
اوكي العربي عندهم
بالاضافه الى ان الانجليزي يكون وايد قوي