السلام عليكم
اباكن تساعدني أخلي بنتي ترقد فالليل عمرها شهرين متعبتني وايد وأنا قريب بتخلص إجازتي وتعبانة وايد منها كل اللي يشوفني يقولي بلاج جيه مريضه كييييييف اخليها تنام فالليل مواصل مع العلم أنها ترضع صناعي مع الطبيعي
عنبو ولا رد؟!
الله يعينج أختي حاسة فيج كنت نفس حالتج حاولي اتضبطي ارقااادها يعني مااتخليها طول اليوم راقدة وتشبع ارقاااد وتسهر فالليل رقديها الظهر بس وعقب فالليل
الاطفال في سنها يقومون ف الليل يشربون حليب ويتمون شوي واعين وعقب ينامون
يعني كل ساعتين
انتي شكلج ام جديده وحسيتي بالتعب لازم تصبرين لين يصير عمرها اربع أو خمس شهور
وعقبها بينتظم نومها
الله يحفظها ويخليها لكم ويعينج على تربيتها
عيل بنتي عمرها سنة و4 شهور نفس الحالة ….ربي لك الحمد
نفس حالتي والله يعطي كل ام الصبر والاجر ياارب العالمين
اختي عمرها شهرين لازم بتقوم في الليل كل ساعتين او مرات اتم مواصلة لانها شبعانة رقاد وانتي حاولي ترقدين اي وقت هي راقدة وعقب يوم بتدخل الشهر الرابع بتفهم شووي وع العشاء العبي وياها يعني حاولي اتخلينها اطول فترة واعية وعقب سبحيها وعطيها حليب وبترقد ان شاء الله طول الليل والله يحفظ بنوتج ياارب
>> مددي ايجازتج شويه ..
و لا ترقدينها وااايد الصبح ..
يعني لا تخلينها في جو هادي و مافي ليت خليها في وسط الحشره ..
بتفرق بين الليل و النهار ..
وبليل بترقد زياده