السلام عليكم
شخباركم
بنات انا الحين فالشهر الرابع وهذا اول حمل لي .. والله اني من بداية الحمل ماذقت طعم الراحه .. وايد وايد تعبانه .. للحين ارجع .. رغمنه باجي اسبوع تقريبا وبدش الخامس .. ابا اعرف هالشي طبيعي ولا لا .. وايد ارجع بشكل فضيع .. قالولي من تخلصين الثالث بترتاحين وانا الحين قريب وبدش الخامس وللحين ماتعدل وضعي .. والله لا اطلع ولا اقدر اقعد ويا حد كله تعبانه .. نقصت 15 كيلو .. وشكلي بنقص اكثر.. بس الله كريم
هذه مشكلتي الاولى
مشكلتي الثانيه .. عندي زيادة فاللعاب ..24 ساعه يطلع من حلجي 
اتخيلوا حتى وقت الرقاد ماقدر ارقد لازم كل اشوي واقوم .. والله الكلينكس 24 ساعه فحلجي .. صرت استحي اشوف حد من اهلي .. حتى لما اسير المستشفى والله اني احس الكل يطالعني بسبة اللعاب.. مب قادره اطلع مب قادره اقعد ويا حد .. كله مضايجه … بليز ساعدوني شو اسوي … لانه الدكاتره يقولون ماشي حل وهذا هو الحمل ..والله خايفه اتم ارجع لحد ما اولد .. بليز طمنوني
الحساسه حبيبتي اول شي سلامات وماتشوفين شر
اول شي صح مثل ماقالوا هذا الحمل انا كنت نفسج واااايد تعباانه بس الحمدالله الحين على اخف اللوعة مازالت والدليل اليوم الصبح مرجعه الحمدالله على كل حال بس انتي وااايد 15 كيلو نازله مب زين لازم تراجعين يمكن محتاجه مغذي الجفاف أبد مب زين لا سمح الله يضرج انتي والبيبي حاولي تكثرين السوائل في منهم يخف معاهم نص الرابع اخر الرابع بداية الخامس نصه كل جسم وطبيعته سبحان الله بس إن شاء الله يخف عليج وما يطول لحزة الولادة الله يخفف ويهون عليج حبيبتي
الله يعينج اختي
الحمد لله من خلصت الثالث راح عني الوحم
حاولي تروحي للطبيبة تاخذي حبوب عن الوحام
ربي يسهل عليج
المشاركة الأصلية كتبت بواسطة مياو مياو^_* 
اول شي صح مثل ماقالوا هذا الحمل انا كنت نفسج واااايد تعباانه بس الحمدالله الحين على اخف اللوعة مازالت والدليل اليوم الصبح مرجعه الحمدالله على كل حال بس انتي وااايد 15 كيلو نازله مب زين لازم تراجعين يمكن محتاجه مغذي الجفاف أبد مب زين لا سمح الله يضرج انتي والبيبي حاولي تكثرين السوائل في منهم يخف معاهم نص الرابع اخر الرابع بداية الخامس نصه كل جسم وطبيعته سبحان الله بس إن شاء الله يخف عليج وما يطول لحزة الولادة الله يخفف ويهون عليج حبيبتي
مشكوره حبيبتي على ردج .. وبخصوص المغذي .. انا ترقدت 5 مرات تقريبا بالمستشفى بس مافادني بشي … اول ما اوصل البيت ارجع ..وحتى حبوب اللوعه مامنها فايده .. الله كريم بس
سلامتك حبيبتي
عادي هالشي طبيعي انا اختي تميت لين 9 تخيلي
في حريم يتم معاهم الوحام لين التاسع
انا نفس حالتج بالضبط بالضبططط ماشي اختلاف
بس انا الحين فالثامن الحمدلله
تم الوحام معاي لين الشهر الرابع .. وعلى نص الرابع بدى يخف شوي شوي
لين كملت الخامس اول اسبوع مادري ثاني اسبوع اختفى نهائيا بس كان في تعب بسيط
على الشهر السادس حسيت عمري فرررش وطبيعيه ولا جنه حامل !!
بس اللعاب استمر معاي لين نهاية الشهر السادس ما وقف مع الوحام !!
وكنت وايد اعاني منه واتفل اربع وعشرين ساعه وايد تعبت منه وماكان في اي شي يخفف
جربت اللبان جربت المصاص جربت كل شي مافي فايده .. يعني استحمليه لانه ماله حل
وعلى نهاية السادس اختفى اللعاب الحمدلله
وبخصوص الوحام حبيبتي ماشي غير تستحملين .. لاني انا نفسج ترقدت فالمستشفى بسبب الجفاف
وكنت كل مآ آكل شي على طول ارجع اجباااااااااااااري ونزل وزني وايد وصار 45 والحين الحمدلله وزني 55
وكنت احاتي البيبي لاني ما آكل .. بس من يخف عنج كل شي وترد عافيتج بيستوي كل شي اوكي
ولا تحاتين البيبي .. لاني انا على كثر ماعانيت وماكنت آكل وايد .. بس الحين ما شاء الله وزن البيبي عندي وايد اوكي
ويقولون الوحام دليل على صحة البيبي الزينه ^^
والله يعينج اختي ويصبرررج .. استحملي كله يهون لجل النونو فديته ^^