السلام عليكم ورحمه الله وبركاته .. اول شي اشكر اختي رعشه خفوق خلتني اكتب بأسمها
بنات انا اريد اطرح عليكم سؤال .. اللي تزوجت شخص مايصير لها ولا له صله فيهم .. يعني ناس غرب اول مره تختلطون فيهم كيف تعايشتوا؟؟
انا متقدم لي شخص مانعرف عنهم شي .. ووايد خايفه ,, انا دايما كنت اظن ماحد
بيخاذني برا العايله .. لاكن سبحان الله
طمنوني … وبكون شاكره
بصراحه انا خذت واحد لا يقرب لي ولا اعرفه ولا حتى من نفس الامارة…بصراحه كنت اتصل فترة الملجه فامه وخواته اسلم عليهم وبعد العرس ماشاءالله عليهم ما يدرون وين يحطوني الله يخلي ريلي لي ويحفظهم جميعا وانصحج حبيبتي بالعلاقه الطيبه من البدايه مع اهل ريلج …والله يوفقج ان شاءالله
حبيبتي لا تخــــافين …
اولا حطي فبالج اذا كان من نصيبج بتاخذينه …
وثانيا أكيد بتكون في فترة خطوبه وملجه ومن خلالها بتتعرفون على بعض ..
وانا من رايي زواج الاقارب وايد مشاكل فيـــه …
واللي الله كاتبنه بيصير وتوكلي على الله …
^__^
هلا اختي انا مو متزوجة بس ما حبيت اطلع من دون ما ارد عبيج لاني انا افكر نفس تفكيرج اخاف اتزوج حد غريب لكن اختي اذا الريال اوكي خلاص اشوي اشوي بتتعودين على عاداتهم بنت خاتي بتتزوج واحد بحيااااتها ما شافته ولا شافت اهلة انخطبت عن طريق ناس والريال متخبل عليها وربي يوفكج
ليش تخافين ؟؟؟
هل انتي خايفة من الزوج نفسه ولا من اهل الزوج ؟؟؟؟؟؟؟؟؟
حبيبتي سواء خذتي من العائلة او برع العائلة نفس الشي
يعني انتي شو دراج لو خذتي من الاهل بتعيشين مرتاحة؟
كله قسمة ونصيب والله يوفقج ويهنيج ياربي ويكتب لج الخير سواء خذتي من الاهل او برع الاهل
انا متزوجة من ناس مانعرفهم ومن امارة ثانية والحمدلله طيبين
واهم شي معاملتج انتي لهم من البداية … عاملي الناس مثل ماتبينهم يعاملونج
الله يرزقج ان شاء الله واستخيري ربج ^_^
انا نفس شي ماخذه واحد من برع العائلة والحمدلله امور زينه وبالتوفيق حبيبتي وانصحج اتصلين استخارة
انا مب متزوجه و بصرااحه ما افكر ياخدني واحد غريب اكثر شي الاهل
بس من راي الغاليه استخيري و كوني اجتماعيه و ياهم و اسالي عنهم و خلي حد من اهلج يسال عنهم
والله يوفقج و يسعدج ان شاء الله 