خواتي انا خايفه وابا اطمن بالي ابا اقول يعني امسح المكياج واتسبح والبس قميص نوم واطلع له والا اتم بمكياجي وابدل بس وعقب انام معاه وعقب بعد اسبح مره ثانيه والا كيف وايد انا زايغه مانام افكر ماعرف اتصرف وما احب حد من هلي يخبرني استحي ومتا اصلي معاه؟؟ لو توضيت بيطير المكياج 
اتمنا المعرسات يفيدوني
اول ما توصلين الغرفة امسحي المكياج وشعرج اذا كان سمبل خليه بس اذا تسريحة وحاله لازم يبالج تفتحينها …
اتوضي وصلي معاه باللبس اللي يايه به من قاعة العرس لين الفندق يعني لبس محتشم لووول
وعقب سيري اتسبحي اذا تبين والبسي قميص النوم …
يعني اول شي خليها الصلاه ..
وانت اول ما بتدخلين الغرفه تبين بس تسيرين تتسبحين بماي دافي واتريحين اعصابج اصلا …
الله يوفقج
انا نفس تفكيرج
ماعرف والله
وانا نفس الشي …مب عارفه كيف اتصرف
اللي يقولي صلي …وعقب اتسبحي وحطي مكياج خفيف وإلبسي قميص النوم وسيري له
واللي تقولي…صلي …وتمي بتسريحتج وشعرج و فستان العرس
واللي اتقولي…صلي…واتسبحي …بس لا تغسلين شعرج و ويهج…بس خففي المكياج ..وإلبسي قميص النوم….وسيري له
والله اني احترت
احسن تمسحينه احس مكياج العرس واااايد
وانا من راي الخواااات
أكيد تمسحين الميك إب بالبداية عسب تتوضين وتصلي معاه..وبعدين تروحين تتسبحين عسب تهدأ اعصابج ويروح عنج التعب…هذار رآي من عزوبية خخخخخخخ وبالنهاية شوفي إلي يريحش خخخخخ وموفقه…
انا من رايي بدلي الفستان ودخلي اتسبحي وغسلي ويهج لانه مكياج العرس ثقيل واذا شعرج مافيه اسبري خليه لاتغسلينه
( اصلا هو بيقول لج امسحي اللي على ويهج )
اتوضي وعقب حطي مكياج خفيف ولبسي كندوره عاديه وطلعي صلي معاه وعقب لبسي روب النوم
انا عن نفسي جي سويت