مرحبا اختي تسلمين يالغلا عل الموضوع بس اختي مااظن ان وايدين بيردون عليج ..بس انا بقولج يالغلا …
شوفي ياختي مستحيل مستحيل تيبيلي ازواج وزوجات العاااااااااااالم بيقولون نحن مستانسين وعايشين مرتاحين الحياه الزوجيه لازم يكون فيها مشاكل سوا مشاكل صغيره او كبيره وبعدين رب العالمين يختبر كل واحد فينا سبحان الله يمكن الله يبلى زوجه بزوج خاين يعشق المغازل… ياترا هالحرمه بتصبر ولا …واو ممكن العكس صحيح وخلنا من المغازل يمكن مشاكل في بيت اهل الزوج …الخ اذا العمه زينه الحمايات اعوذ بالله منهم …الخ …يمكن تتزوج زوج حلو لكن اخلاقه اعوذ بالله او العكس …يمكن ريال زين وزوجته هب زينه او العكس صحيح …ياختي الحياه جذي لازم في الحياه الزوجيه مشاكل بس بعد بعض المشاكل تنحل والبعض الاخر يمكن اتكون طوال العمر بس يباله صبر ..
والسموحه
اما من ناحيتي بقول الحمدلله عل كل حال رغم المشاااكل المستمره ….(وسبب مشاكل عمتي وبناتهم وغير جي زوجي ماله كلمه او رأي وراهم )…
اما انا مرتاحة نوعا ما يعني نص نص
اما الاسباب
الاول في تفاهم لحد معين مب وايد
الثاني في مشاكل هي صغيرة وتافة بس تنرفز ويمكن الروتين اليومي يسبب الملل .
انا متزوووجه
بس مااروم اختاار احد الخياارين
لانيه لبعض الاسباااب مرتاااحه ولبعض الاسبااب هب مرتاااحه
الزواااج مثل ماكنتي عاايشه عند هلج
ببحلوهاا ومرهاا
مراات مستااانسه ومراات لاااا
بس الزواااج فيه مسؤوليييه
والاحترااام والمحبه اسااس نجاااح الزواااج
اماا طول اللساان ورفعة الرااس ع احد الزوجييين او المعاايرة سبب رئيسي للانفصال
هل أنت مرتاحة في زواجك ؟ ؟؟
إذا نعم أعط سببين ..
1-الحمدالله مرتاحه … والسبب امممم … مرتبه حياتي .. واطيع ريلي فبالتالي هو يلبيلي كل اللي اباه تقريبا …
2-اترتبله والبسله احلى الالبسه … احاول املي عينه قد ما اقدر واسوي الاشياء اللي هو يباهن او الاشياء اللي يحبها ..
انا الحين الحمد لله مرتاحة بس الله لا يراويكم على طول 5 سنوات دايما مشاكل واصبر عمري لين الله فرجها وطلعنا بيت بروحي بس تمت مشكلة وحدة زوجي ما يصلي الا الجمعة بس والاعياد تعبت وياه وكل مرة يقول انتي ما تشوفيني انزين كيف وهو في البيت يجابل الكمبيوتر او التلفزيون….
خواتي ترا المشاكل اول ما تعرس الوحدة عادي تصير والزوجة هي اللي بيدها اطنش المشاكل وتكمل حياتها جنه ما صار شي انا كنت ساعات اسوي عمري نسيت اللي صار بس اتناسى وايد احسن عن ما اخسر عيالي وريلي بعد…. اتمنى حد يستفيد
هل أنت مرتاحة في زواجك ؟ ؟؟ ( نـــــــــــــــــــــــــــــــــــــــعم ) و (لااااااا)
إذا نعم أعط سببين ..
1- يصلي ،،متفاهمين الحمدلله ،، طــــيب وكريم ذو شخصيه
2- طباخ هههههههه ،،غشمرجي
وإذا لا أعط أيضا سببين ..
1- يوم يعصب ينفجر الصمام ،، يقفط الواحد اولهم انا هههههه
2- الشخيررررررررررررررررر،،،رومانسيته دفشه هههههه والحمدلله على كل حال
بانسبه لي انا مب متزوجه .. و لكن في الحياه العائله فيها مرات اكون مرتاحه و مرات مضايقه
يعني قولي نص ونص .. لأن الحياه ما فيها بس الراحه.. بالعكس.. فيها الراحه و التعب .. يعني فيها الحلو و المر
ا
تسلمين الغاليه على هذا الموضوع