خواتي الغاليات .
بغيت اسال عن النظرة الشرعية عند أهل الناس اللي بيخطوبنها شو تلبس .
كندورة ولا بدله .
واهم شي تلبس نعال كعب ولا لأ وكم طوله تقريبا ..
للرفع
الغاليه
نحن عندنا تلبس كندوره مخورة او مغربيه راقيه وحلوه وبنفس الوقت بسيطه وعليها العباه اختياري
لانه البدله يحدد جسمها واذا بتلبسه لازم عباه
وبخصوص الكعب احسه مايحتاج لانه بيكون في الميلس ليش الكعب اصلا
وفي النظره الشرعيه كما وصى الرسول صلى الله عليه وسلم رؤية الكف والويه لانها مب حليلته عسب يشوفها وبوجود اهلها
والسموحة طولت عليج
سوري مكرر
سبحان الله وبحمدة سبحان الله العظيم…
هلا اختي …
بجاوب على سؤالج مع اني ما جربت سمعت من صوب خالاتي وأمي الله يطول في عمرها تقول النظره الشرعه انها تكون محتشمه يوم تدخل عند الريال عشان تدخل قلبه وعن اللبس يكون محتشم ها اللي اعرفه ما أكثر ولا أقل وتقدرين تبحثين عن النظره الشرعه في موقع جاسم المطوع او موقع المنهج
وربي يوفقج ان شا الله ويكون من نصيبج .
تحياتي لج اختي
شوفي اختي النظره الشرعيه ..
هي نظره بس وانتي لازم تكونين ف حشمتج .. لانه الرياال بيكون غريب عليج…
البسي شي ساتر واتحجبي واتجحلي وحطي قلوس خفيف …
وبس .. كعب ماكعب مايحتااي اصلا لانه هوه بيدخل عليكم الصاله يوم انتو يالسين وانتي بتوقفين او بتيلسين وبيسلم وبيظهر بس
يعني مايحتااي هاي الاشيااء … جان بتلبسين نعال "كرم الله القارين" البسي مال البيت الشبشب وبس
وبالتوفيق يااارب