السلام عليكم ورحمة الله وبركاته
اشحالكن الغاليات ؟؟؟؟؟
عندي سؤال حبيباتي انا اشتريت بطاقة شراء من فيزا هديتي هل اقدر اسجلها في موقع باي بال ا؟ انزين بعد ما اسجلها هل اقدر استعملها في الشراء في كارفور أو غيره ؟؟
اتمنى اتجاوبوني 
هلا الغاليه
اكيد تقدرين تستخدمين البطاقه فكل الاماكن سوا في paypal ولا غيره لانها فيزا
مشكوره حبيبتي بس انا قصدي ماتتحول البيزات من البطاقه للباي بال بعد تسجيلي في موقعهم جي يعني
مشكوره الغاليه الله يعطيج الصحه والعافيه
اهلين عزيزتي
لا يسحبون بس 3 دراهم للتسجيل و يطرشون لج كود تحطينه عشان تكملين التسجيل و على طول البنك اللي فيه حسابج يتصلون فيج و يخبرونج انه 3 دراهم انسحبت من حسابج لبيبال قولي هيه ادري و عادي عقب اشتري من اي مكان تبين و بيبال يحميج من اللي تتعاملين وياهم انه ما يروايهم رقم البطاقة و اذا ما استلمتي طلبيتج تسوين شكوة ع البيبال ع البايع و يردون بيزاتج لان البايع نفسه له حساب عندهم و يقدرون يضغطون عليه
فديتج الغاليه مشكوره الله يجزاج خير
اسمحن لي خواتي احس خبصت في التسجيل في البيباي كنت جاعده اكتب البيانات في التسجيل وتأخرت في كتابة البيانات وسويت متابعه وطلعت لي صفحه اني اتأخرت في الصفحه الاولي لا تضغطين على زر الخلف بس لمن تدخلين اكتبي ايميلج والباسوورد وسوي دخول بندت الصفحه وفتحت صفحه ثانية ودشيت الموقع وكتبت الايميل والباسوورد وما دخلوني وسويت تسجيل مره ثانيه قالوا هالبيانات عندنا من قبل وتوهجت ما عرفت شو اسوي لا انا اقدر اسوي دخول ولا أسجل مره ثانية شو اسوي ساعدوني بلييييز ؟؟؟؟؟؟؟؟؟؟؟