مرحبا صباياا شحالكم ؟؟؟ عاد انا ما حبيت اسوي زحمه فقلت بطرح سؤالين في نفس الموضوع..
السؤال الأول :
– بنات و بالذات الخبيرات ..شو أحسن طريقه لتوزيع البودره عالويه ؟؟؟ تفضلون الاسفنج ولا البرش ؟ احس بالاسنفجه التوزيع يكون احسن ويثبت أكثر !! شو رايكم انتوا ؟؟
– و بعد بغيت رايكم في شي .. انا حنطيه مب بيضه ولا سمره فالنص ( اللون الخمري).. و الألوان الي استخدمها تخلي ويهي ذبلان مرات … تحسون لو فتحت شوي فالفاونديشن بيكون أحسن ! يعني بيعطي الويه حيويه ؟ ولا اتم على الألوان الي مطابقه لون بشرتي بالظبط أو أغمج شوي عشان يبين طبيعي؟؟؟
السؤال الثاني :
-بما انه كل البنات هابات فالعدسات الملونه ,,, شو رايكم في استخدام العدسات الملونه في المناسبات و الحياه اليوميه ؟؟ أنا أحس انه مب شرط الوحده تحط عدسه ملونه عشان تطلع حلوه !! بالعكس أشوف الطبيعي أحلى … و العدسه تغير الشكل وايد … شخصيا اشوف العيون السوده جميله مب شرط تكون زرقا و خضره .. ممكن من باب التغيير نستخدم الالوان بس يتم الطبيعي أحلى لأنه مناسب أكثر للون البشره …
طولت عليكم ادري صدعه بس بغيت رايكم فالعدسات الملونه للعروس سواء ملجه أو عرس ؟؟ ولا تحسون العين الطبيعيه أحلى للعروس ؟
أتريا ردودكم فديتكم ^_^
معقووله بنات ولا رد ؟؟ أتريا ردودكم
توزيع البودرة ع الويهه بالاسفنجه اثبت من الفرشاة…. وبالنسبة للون البودرة احسن انج تاخذينها مثل لون بشرتج وحاولي انج تستخدمين البلاشر المشمشي الفاتح لانه يعطي البشرة لون غير..
بالنسبه للعدسات حلوة بس احس انه لعرس حلوة او ملجه يوم تكونين انتي من الحضور بس يوم تكونين العروس يفضل لون عينج ولو حبيتي تغيرين خذي العدسه اللي تكبر حدقة العين وايد حلوة واكثر الماكيران يحبن اللون العسلي الغامج في العيون ما اعرف ليش؟؟
فوووووووووووق
المشاركة الأصلية كتبت بواسطة الياسية 
بالنسبه للعدسات حلوة بس احس انه لعرس حلوة او ملجه يوم تكونين انتي من الحضور بس يوم تكونين العروس يفضل لون عينج ولو حبيتي تغيرين خذي العدسه اللي تكبر حدقة العين وايد حلوة واكثر الماكيران يحبن اللون العسلي الغامج في العيون ما اعرف ليش؟؟
ثانكس فديتج عالرد لا هنتي … بس بشاورج غناتي بالنسبه للعدسه الي تكبر حدقة العين .. انا عيوني اصلا وساع تحسين لو لبستها بتطلع احلى ؟؟ ولا بتستوي عيوني مبققه خخخ؟ لأنه رسمة عيني أصلا دائريه ؟؟؟!!
المشاركة الأصلية كتبت بواسطة راعية الدلع88 الله يرفع شانج
انا اوزع فالاسفنجه واختار درجه افتح بشوي وتيي على وردي واستخدمي شايمر بلاشر مع بلاشر وردي او مشمشي بيطلع واو 
العدسات حلوه وخاصه اذا كانت الوانها طبيعيه..اذا ما تبين ملون خذي اللي محدد ..فرش لوك وتوتي واايد اوكي والحيت يمدحون تراي كلر