زيت روعه يبته من الهند عن تجربه شعري صار احسن واكثف واطول

شحالكم بنات

بصراحه انا ماحب اكتب موضوع الا اكون مجربته

مهما كانت النتيجه

واشجع اي بنت تكتب عن تجربه

بنات قبل سنتين سافرت الهند سياحه

ورحت منطقه واو ماوصفلكم المهم

مب هذا موضوعنا

سألت الهنديات ياني شفت هنديات يجننوووون

مب مثل اللي نشوفهم هنيه الخدامات المهم

سألتها عن دهن يكون له مفعول ويطول الشعر ويغذيه

ورويتها شعري

والله يا عليهم شعور مشالله لين ركبهم والشعر ما وصفلكم من جماله
لمعه على غلظ على نعومه
المهم قالت لي نحن ما نستخدم الا

دهن جوز الهند ومب اي دهن لااا

في واحد طبيعي 100 % ويوم تشمينه تحسين كأنج كاسره جوز هند ريحته تجنن

المهم قلت لها باخذه وسرت محل مثل الجمعيه وشريته بنات هو يكون بكيس
مب بعلبه ولا فغرشه
المهم قلت لها لايكون هذا مال اكل

قالت لا بس اذا بتحطينه فالاكل مب مشكله لانه طبيعي 100%

خذته كان جامد مثل الحصاه داخل الكيس

قلت شو ها نبشره ولا شو
كنت اطلعه من الكيس واقصه بالسكين طبيعي 100%
جامد من الجو البارد

قالت لا سخنيه عشان يذووب وخليه يبرد بعدين حطيه فشعرج

والله كنت اسخنه واحطه فشعري

طبعا خذت كميه ورديت البلاد

والله يا بنات اول مارديت بوظبي اشوف الاكياس

ذاب زيت جوز الهند من حراره جونا فديت جونا

المهم

والله يابنات الزيت هذا يجنن المشكله خلص من متى استخدمه

حصلته فجمعيه اللولو مالت الهنود عقب ماصارو ايبونه

انا بغيت افيدكم

صدق عن تجربه انا انسانه اصبغ شعري هايلايت وانواع التشقير

بس الحمدالله لا تقصف ولا شي

والزيت والله فادني مافيه ريحه تلوع بالكبد ولا شي
وصدق طول شعري عليه ماشالله

من جوز هالهند الطبيعي طبعا

اي بنت تعرف هالزيت تجربه ياليت لو عندي كيسته كان حطيت صورته فالمنتدى

هو زيت لونه ابيض ويكون فكيس, الكيس يكون اكبر من حجم اليد

وعليه صوره جوز الهند

ويبيعونه فجمعيه اللولو بس فالفتره الاخيره ماشفتهم يبيعونه

ماعرف يمكن الفرع اللي رحت له مب موجود

خلاصه الكلام جوز الهند مافي احسن عنه عن تجربه بس اختارو الطبيعي

فيه دهن جوزالهند غرشته لونها سماوي وفيها صوره جوز الهند هذا شفته فالمحل اللي فالهند بس

اتمنى اني افدتكم