السلام عليكم ورحمة الله
أنا من تزوجت و زوجي ما يعطيني مصروف و لا حتی يحطلي رصيد و انا كلمته وما رضی يقول حق شو المصروف؟ ؟
انا صراحة استحي أطلب منه إذا بشتري ملابس أو شي و اذا بيوديني ينشبلي و ما أخذ راحتي تعرفون كيف الرياييل علما اني انا نادرا ما اطلع بدونه بس ممكن اطلع
المهم ابغی يكون عندي فلوس اشتري اللي في خاطري و اجمع شوي منهم لان ابغی اشتري لامي هدية بدون محد يحاسبني
كيف ارد عليه لو قالي حق شو المصروف انا قلتله هذا من حقي و كل الحريم ازواجهم يعطونهم
ابغی كلام عدل عشان اسكته ويقتنع
و هل اذا ما رضی أدخل اهلي؟؟
منتظرة ردودكم ومشكورين
اممممم شكلج ماتداومين
من حقج يكون لج مصروف
حقج الشرعي
حاولي تنقعينه
اذا ما اقتنع عقبها فكري تخبرين اهلج
من حقج يعطيج مصروف خاص لج … واذا مب راضي ومايبا يقتنع قوليله ودني السوق ابا الشي الفلاني .. يعني جنه مصروفج في مخبااه لاتستحيين مول اللي تبينه اطلبيه من حقج حبيبتي والله يهديه لج يارب
انا بعد ريلي ما يعطيني مصروف كاش ف أيدي
بس اذا نطلع هو يدفع واحيانا يعطيني البطاقة وهو يجلس مع ربعه بالكوفي
واشتري على كيفي وما يقولي ليش صرفتي وايد
واحيانا يعطيني عشان اشتري اشياء من الدكان وبس
انتي اذا رحتو السوق قوليله ابا هالشي وابا هالشي ولا تستحين ابدا
واشتري هدية امج بس لا تقوليله انها لأمج
واعطيها عادي ما فيها شي
وايد رياييل جي ، بعضهم صعب يقتنعون عسب جي الحل انه يروح معاج كل مكان مثلا مول و خياط و جمعيه ويدفع كل شيء يوم يتبهدل عقب يمكن يحس، اذا قال لج تصرفين وايد قولي له خلاص حدد لي مصروف وانا راضيه
حقج حبيبتي ،
قوليله ها حقي الشرعي .. احتاج شي وانت مب موجود او مب معاي .. من وين ادفع ؟
او قوليله طلعلي بطاقه وحطلي فيها مبلغ بسيط شهريا
لا تدخلين اهلج بالموضوع الموضوع مايستاهل .. لان شي حريم ماياخدون مصروف شهري لكن يوم يحتاجون يقولون ابا واشتريلي الشي الفلاني .
موفقه عزيزتي
المفروض مسألة الصرف يكون متفق عليه قبل الزواج ..
. خصوصا حنا يالبنات اغراضنا كثير من لبس و مكياج و ادوات زينة
اشرحي له أن البنت تحتاج هالأشياء ولازم يكون معي مبلغ عشان لو كنت مو موجود اصرف على نفسي
زوجة عمي ماتشتغل ف عمي يعطيها مصروف شهري للبيت و إذا طلعت السوق يكون مصروف ثاني وكل ماكثر العيال كل ماكثر المصروف
لازم زوجك يفهم هالشيء و أنك من مسؤولياته والصرف واجب موجب عليه
أجلسي وتكلمي معه وتكلمي بشكل مطول وفكري زين بالكلام اللي بتقولينه له ورتبي أفكارك
والله يسخره هو وفلوسه لك XD
موفقة .