انا بصراحه الحين وانا اكتب بجد احس بتدمير فيني من داخل ضايعه مقهورة منكسرة
من فترة اكتشفت ان زوجي كان يطيح ميانه مع الخدامه سنتين كاملين وانا لا حس ولا خبر المهم اني اهي كذبت وقالت انه رقد وياها ولما وجهت ريلي حلف على القراءن انه جذب وماحصل بس الي فهمته ان كانت الميانه طايحه
بتقولون وينج عنهم خلل هالسنتين صارت لي ظروف وايد اني مرضت وسافرت وانا رحت معاها وعقب اهو لحقني وعقبها توفت
وعقبها ربيت وقعدت بالمستشفى
بنااااات ريلي اعتذر وسفرها وكل يوووم يعتذر
بس انا مب قاااادر انسى شي حاولت مااقدر وماخبرت حد عشان مافضحه
انا قاااعدة اموت كل يوم كله اتخيل شكله وشكلها في اي وقت مب عارفه اتواصل وياه
افكر اطلق خلاص
تمت الموافقة
دامها سافرت واعتذر ان شاء الله انه ندمان
مو كل شيء نقول طلاق ترى الحياة تحتاج صبر
والحمد لله انه اعتذر غيره مايعتذر ويتمادى
وخلي هالموقف درس بحياتج
والله غفور رحيم تعوذي من الشيطان وافتحي معه صفحة يديدة
حبيبتي دام اعتذر وحسه بذنبه سامحي
وهم شوفي تصرفاته وياج اذا متحسن وزين سامحيه وكملي حياتج وياه
وادفعي بالتي هي احسن
ويارب يهدي سركم
الشي انتهى وافتحى صفحه جديده مع ريلج
وابحثي عن تقصيرج اياه وعوضيه عن كل تقصير واهتمى في البيت وريلج
ليش تفتحى باب مشاكل والشي انتهى وتقفل
غفر الله عما سلف
الله عزوجل يقبل التوبه من عباده
ليش ماتقبلي عذره وهو عشانج سفرها وهنا نقطه انه يحبج ولا يبغى يخسرج
الله يهديه و انتبهي على بيتج و ربي يوفقج
الخوات ما قصرن
الحمدالله ما صار بينهم شي ولحقتي عالموضوع وخلاص اعتذر .. اعرف صعبه تسامحين لكن الوقت كفيل انه يخليج تنسين وافتحي معاه صفحه يديده
صعبه تنسين وتسامحين شي طبيعي
لكن شو فايدة الطلاق؟
بيرد لج كرامتج؟
بينسيج اللي صار لج؟
انتي اصلا مستحيل تطلبين الطلاق لنج حفظتي ريلج وما فضحتيه بوقتها
الحين يوم حل المشكله وطيرها وقعد يعتذرلج تقولين بطلق
افتحي صفحة يديده بينج وبين نفسج عشان ترجعين تحبينه وتثقين فيه مره ثانيه
لا ادمرين بيتج ونفسج وعيالج عشان زله
والله يوفقج