زواج المرأة المطلقة

هل يجوز للمرأة المطلقة الراشدة الزواج من رجل بدون علم أهلها خوفا على مشاعر أبنائها وبسبب ايضا بأن المتقدم يريد الزواج بدون علم اهله ايضا ؟؟؟

هل مستعده تدخلين حياة زوجية فاشلة من اساسها بالسر من اهلج ومن اهله.؟؟ اعتقد اللي تمر بتجربة فاشلة واطلقت من الزوج الأول تكون حريصه بالزواج الثاني … نصيحة مني لج سواء كان يجوز او لا يجوز اتزوجي بالعلن جدام الكل جدام اهلج واهله … دامكم ما تسون غلط شو المشكله ؟؟

اختي كلميني على الخاص انشاء الله افيدك بموضوعك

الزواج إشهار
ها اللي اعرفه

اول شي للمرأه حقوق من مهر وغيره ثاني شي الزواج اشهار وثالث شي كيف ترضاهاا ع نفسهاا تزوج بالسر شوه يضمن لها انه الي بتزوجه لو حملت منه ما يتبراا منهاا هذا شي ولا تقول ما اريد عيال منه لانه رب العالمين لو جاعللها ذريه منه بتحمل ..
وبعدين انتي مريتي بتجربة زواج فاشله عشان تزوجين مره ثانيه بطريقه غلط يعني تصلحين الغلط بغلط اذا ما فكرتي بأهلج عيااالج شوه ذنبهم ..
ما فكرتي انه ممكن ولدج والا بنتج يتبعون نفس اسلوبج والا هوه قرار لحظه ويوم تصير مصيبه تندمين..
اتقي الله في اهلج وعيالج ودامه يباج بالحلال خليه يدق الباب من جدام نحن في زمن للاسف انعدمت فيه الثقه لا تخلين اهلج وعيالج يمشون بين الناس وروسهم موطايه لو لاسمح الله حملتي من هالشخص وتركج وانكر هالشي..
لا تقولين بتزوج بالحلال بس بالسر لانه يفتقد للاشهار والي بتنصحج بهذا الزواج صدقيني ما برتج بنصيحتهاا لا ضرتج..

اذا كان حلال
فلازم تدرسين الموضوع عدلللل