هلا خواتي … من يومين ريلي مب عاجبنه شيء بالبيت… بيتنا شعبي… وهو يحب نظام الفنادق…من ناحية التبريد … ونظام النظافة الشاملة….
يقولي ليش مع إنكن تنظفن البيوت تفوح ريحة يعني تقدرون تقولن مب حلوة… مع إني أستخدم أدوات النظافة والتعقيم… ليش الموكيت عندهم ريحته حلوة … وموكيتنا لا…؟؟؟
ليش وليش وليش؟؟؟
المطبخ بشكل عام …يريد يسويه عاااااااااااااااااااالمي….
كل هذا لما ناخذ القرض عشان نبني البيت الحكومي
ف شو تنصحوني…؟؟؟
شو هي الأنظمة يلي لازم أسويها عشان أرضيه؟؟؟
شو هي الشركات يلي تسوي هالخدمة..؟؟؟
المطابخ يباها حلوة وعالمية…؟؟؟؟ بس كيف شو هي الشركات يلي موجودة بالدولة تسوي شي يرضيه ويملي عينه….؟؟؟؟
بإنتظار الرد
ما عندي فكره
حتى انا ريحة بيتي اباه شرات الفنادق وانشاءالله البنات بيفيدونا
للريحه حصلت لج طريقتين تعطير
1- طريقه لانها فعلا سهله وحلوووهوهي بعد تنظيف المو كيت ما تشيلين الخمام تيبين ديتول + كمفورات او اي ملطف اقمشه موجود عندج وتخففيه بشويه ماي وتغمسين المكنسه العاديه الصغيره فيه وتمسحين على الموكيت…مسح بس تصير ريحه الغرفه حلوه
2- طريقه روووعه لتعطير الموكيت شفتي الابر حقت المستشفى خوذى منها وحطي فيها عطر من اي نوع تحبي انا احط من زهور الريف ثم اغرسيها في الموكيت في كذا مكان وبعدين شوفي الريحه كلن راح يسالك وش السر اذا جلسوا عليها
بالنسبه للمطابخ شي عندج محل في الراحه مول اظن اسمه لايف ستايل شي جذيه عندهم احسن تجهيزات كهربائيه و عندهم مطابخ بعد بس احس انج ادورين في النت شي مطابخ تهبل جوفي اللي يعجبج دوريلج نجار شاطر ينفذها نحن ان شاء الله جذيه بنسوي في بيتنا
تحياتي ع ـشوووقه
حبوبه في كل بقعه فالبيت حطي العطور اللي تلصق ع الجدار وكثري منها ،، وعندج بوايد روائح وكثري من العود والياسمين
للاسف عزيزتي الموكيت بالبيت بعد فتره الا يطلع ريحة من تكرار الغسل والرطوبه
ممكن حل مؤقت فيه بودرات خاصه ترشينها على السجاد والموكيت قبل تنظيفه وعقب تكنسينه تطلع ريحة حلوه
بس انا اتوسوس منها احس ممكن تهيج الربو 
الافضل تشيلين الموكيت وتحطين سيراميك وينمسج يوميا بسوائل خاصه لتنظيف الارضيات وكلها لها روائح حلوه
بالبنسبه للمطابخ روحي ايكيا يركبون لج مطبخ على النظام العالمي
بس عندي ملاحظه وياليت لاتتضايقين مني خل ريلج اللي يروح يدور ويسال عن سوالف المطابخ ويختار اللي يعجبه مايتشرط وهو قاعد
عسى تكون ملاحظتي خفيفه عليج عزيزتي وموفقه يارب
تسلمون حبيباتي… أنا ما أقدر أخلي البيت رخام… لأن البيت قبل لا نستأجره كان فيه رخام وتزحلك سلطان وتم ينزف من خشمة يومين… فما بالج إلحين عندي 3 الله يحفظهم والأخير تواه يحبي… بتستوي حوادث تزحلق بالبيت..
وحابة أسأل وين ممكن ألقى فروع زهور الريف عندنا هنيه ..؟؟؟ يعني ممكن ألقى بالعين ولا لأ..؟؟؟؟
بالتوووفيق يا اختي بخرررييه كل شوي يس عن الأشياااء كلهااا هههههههههه..