السلام عليكم ورحمة الله وبركاته. .
مااعرف من وين أبتدي مزوجه من 11 سنه عندي 3 أبناء الحمدالله ..أكبر عن زوجي ب 4 سنوات بس شكليا الكل يعتقد اني أصغر. تزوجنا عن حب .بس ريلي جدا معقد وغيور وشكاك وكل ها طبعا عاشه فبيت أهله كلهم من النوع الشكاك واللي مايوثق بأي أحد ..
مشكلتي أن زوجي وايد يحب الحريم. .دايما مستمر على علاقاته من هالبنت لهالبنت تعبت وانا احاول أذكره برب العالمين وعذابه حاولت بكل مااقدر اثنيه بس دوم أكتشف خياناته وعلاقاته مب بس رمسه توصل للحرام. .للفراش. .فكل علاقاته تعلق بوحده مزوجه مستمر معاها من 5 سنوات وللأسف خوفتها برب العالمين وهددتها بس ماشي فايده مب راضيه تحل عن ريلي وتقوله أنها مستعده تترك بيتها وريلها وعيالها عشانه. .مع اصراري كل هالسنين ريلي بدء يتجاهلها بس طبعا ماودر طبعه اذا مب هي ألف غيرها. .وأغلبهم متزوجات وعندهم عيال حسبي الله ونعم الوكيل. .إنا وايد أحب زوجي وبيتي وعيالي مااقدر أتركه. .وعن سلبياتي انا غيرتي وايد ودوم أواجه ودوم نزاعه وصراخ وياه لدرجة اني ادعي عليه دوم فويهه ومن يروح اقعد أستغفر لا يصير فيه شي ودي أعيش معاه وعيالنا حياه مستقره بس مااعرفه من وين أبتدي صدق تعبت منه. وايد صبرت عليه وتمنيت يحس فيني يدوم سنه واغلب عمره قاعد فالبيت بدون دوام. .يا تستلم مساعده اجتماعيه أو الأهل يساعدونا ورغم صبري وتحملي لمسؤولية عيالي مب حاس فيني وآخر مره سويت فيها عمليه شالو فيها الأنابيب وكل كلمه والثانيه انا أبا ارتاح انا أبا ازوج انا أبا عيال. انا ماانكر أن من عيوبي بعد عدم اهتمامي بشكلي يمكن لأن النفسيه أبد ماتساعد طبعا نظافة الشخصيه ماعليها كلام بس مااحب اهتم بشكلي الخارجي وشعري ابدا..أعرف فعلاقتي وياه تنازلت عن وايد من حقوقي بتقولون غبيه. ماعندها كرامه..بس انا صدق أحبه. .وايد أشياء وأشياء مب عارفه ارتب كلامي ولا من وين أبتدي ولا شو وشو اقول ..ساعدوني
تمت الموافقة
الكلمة الطيبة صدقة
حسب ما فهمت من كلامج انه ريلج يزني مع متزوجه ؟!!
بهالزمن صار تقبل الحرام امر سهل جدا و بسيط !!!
تعرفين ان يزني ومع ذلك يالسه عنده
انتي مادري شقولج والله ؟؟؟؟؟
عزيزتي المشكله فيج انتي الي سكتي عنه من البدايه وعودتيه
ومبين انتي خايفه تخسرينه .. تخافين يعرس عليج وحده صغيره كونج اكبر عنه عشان جيه انتي ساكته عن علاقاته بالحرام ومتنازله عن حقوقج وراضيه بلي يسويه وبالمقابل هو مستغل الشي هذا ومب هامنه
اذا ماغيرتي من نفسج وحبيتي نفسج وقويتي شخصيتج ريلج مابيتغير ..
اول شي وقفي وقفه صارمه وياه بعلاقاته الي وصلت للحرام ! وثاني شي قوي شخصيتج وغيري اطباعج اهتمي بنفسج وجسمج
الريال مايحب الحرمه الضعيفه والي تموت فيه لانه يعرف انها ادور رضاه وبتتحمل وبتتنازل بس من يلاحظ انها مب مهتمه ومهتمه بنفسها يبتدي يركض وراها
اعتقد حل المشكله بايدج عزيزتي ،، نفسيتج تعبانه ومتوترة ومهمله لنفسج ..احيانا الخيانه يكون سببها الزوجه ..فحاولي تغيرين من نفسج اقري كتب عن الايجابيه /قوي ايمانج وثقتج بالله /اهتمي بشكلج وشعرج واقري عن الازياء حتى لو اساسيات اللبس والالوان..افرحي وعيشي حياتج ،،كم مره بتعيشين ؟ والله اعلم انه تغييرج راح يغير زواجج للاحسن ان شاء الله.
بس لا تلومين زوجج اذا كنتي مقصره ،اعترفي باخطائج وواجهيها.
الله يوفقج واييسر لج امرج
روحي افحصي نفسج قبل لا ينقل لج الامراض
و وقتها ما ينفع الندم ولا الحب
و الزاني ما ينكح الا الزانيه !!