السلام عليكم
انا تزوجت من سنتين تقريبا
والحمدلله ريلي ماخذني عن قناعه وكان وايد يحبني و دوم يبا يكون وياييه من ايام الملجه وحتى لو اهلي قالو شي ما ياخذ على كلامهم المهم يكون وياييه ( هو ولد عمتي )
المهم عشنا الحمدلله ايام وايد حلوه حتى عقب العرس .. كان دايما يقول لي انتي حبيبتي قبل ماتكونين حرمتي
ودايما نسولف ونظحك وكل مكان نسيرله ويا بعض مايخليني بروحي ابد ابد حتى ربعه واهله مايسير عندهم
ساعات حتى يعاملني كاني ربيعه
من فتره بسيطه بدا يتغير
ما تغير من ناحية الواجبات الزوجيه
ولكن ك احساس و مشاعر و تعامل احس بدا يتغير
مايسولف و يتمصخر و يظحك نفس قبل
ما اييلس قربي نفس قبل
حتى في العلاقه الزوجيه مايباني شرات قبل
سالته كذا مره ولكنه مايصارحني ابد
كله يقول لي مافيني شي
وريلي من النوع اللي اذا زعل مايرمس
يتم ساكت وشال في قلبه
مره وحده بس سالته قلتله انته وايد متغير
وقال لي انتي تغيرتي ( متنتي )
وانا مب عايبني هالشي واباج تضعفين
بس انا من عرسنا لين الحين مازدت وايد
زايده 6 كيلو بس
وهالفتره وايد ضاغطه على عمري عشان اضعف
بس بعده متغير وانا تعبت
حياتي كانت حلوه وياه بس الحين ما احس اني مرغوبه
وانا متاكده مليون بالاميه انه مايخون ولا له علاقات
لانه اصلا 24 ساعه فالبيت وياييه وتيلفونه اعرف باسوورده مايبين انه هو يبا يدس عني شي
وانا تعبت وانا اساله وما احصل اي اجابه منه
كلمته بالهداوه و بالزعل و بالحب و بكل الطرق بس ماشي فايده
مابا اخسر حياتي الحلوه وياه
انا احبه وادري انه يحبني
بس ماعرف شو اللي صاير
عطوني حل شو اسوي
واذا ممكن في كلام ممكن اكتبله اياه يوضحله اني مابا اخسره واني احبه مثل ما كان قبل
وادعولي اني ارجع ريلي الاولي مثل ماكان
تمت الموافقة
هو اعطاك الإجابة … زيادة الوزن هي السبب
لاتقولي مو زايدة كثير … تتكلمي الان عن نظرتك ولكن هو تكلم عن نظرته وهي الاهم ان تهتمي بها
ادخلي نادي وخبريه يوديك نادي رياضي واعملي ريجيم صحي
المسألة بسيطة .. واجمل شيء ان الرجل يكون صريح مع زوجته
هذا يدل انه لازال يحبها ولكن يريدها ان تتغير
موفقة
أسئلتج ب تخليه يطفر وهو رد ع سؤالج مرة لكن تميتي تلحين والريال مايحب جيه
الريال أن سألتيه مرة خلاص لاتعيدين السؤال عليه
اضعفي وغيري اللوك وقصة شعرج والوان مكياجج واشتري قطع ع موديلات وقصات يديدة وان جفتيه متغير اتركيه ع راحته واجذبي انتباهه باهتمامج بنفسج لأن سبق وقالج عن وزنج فمعناته مهتم
خذي له هدية واخذي مثلا بوكس مناكير فيه كل الألوان وكل ليلة لون مع اللبس تغيير بسيط وما يكلف بس الزوج يلاحظه
أما بسؤالج هذا تخلين فجوة بينج وبينه
أنا الصراحة أشوف انه ريلج ما عنده سالفة ؟!؟!! الحين هو متغير علشان زاد وزنج كمن كيلو !!!! عيل شو بيسوي عقب ما تحملين الجسم كله بيتغير وغير التصبغات والأشياء اللي تستوي فترة الحمل شو بيسوي عيل !!! بيتم ساكت وزعلان
اذا فعلا هذي المشكله بسيطه روحي الجيم سوي رياضة وامشي المشي وايد زين واكلي أكل صحي ولا تكثرين وان شاء الله بترجعين نفس قبل وأحلى بعد ..
المشاركة الأصلية كتبت بواسطة أم محمد1988 
اذا فعلا هذي المشكله بسيطه روحي الجيم سوي رياضة وامشي المشي وايد زين واكلي أكل صحي ولا تكثرين وان شاء الله بترجعين نفس قبل وأحلى بعد ..
طبيعي مع الايااام شوي شوي بيتغير
بس سبب تغيره قالج وزنج ؟ مب سبب مقنع
ع العموم نزلي هال 6 كيلوات وبنشوف هل بيرد مثل قبل والا لا
بالتوفيق
دامه يالس ٢٤ ساعه بيتوتي يعني .. اكيد الروتين والملل ف راسه …
انتي انشغلي عنه و شوفيه بيرد يدورج والا لا ��