بغيت مساعدتكن خواتي لاتقصرن علي…ربي رزقني بأول مولود لي تاريخ 26-12 والحمدلله الف مره انه رزقني هالنعمه..المهم مابطول عليكم اليوم كملت 40 يوم الحمدلله..سرت يوم الاحد اركب لولب عند الدكتورة غزل وبصراحه هالدكتورة قمة في الاخلاق والتعامل الحمدلله ركبته حقي بس ماكملت ساعتين ونزل لي دم لين يومكم كأنه دم الدورة احمممممممممممممممممر وينزل واايد…فهل هذا طبيعي؟؟؟ لما سالت اختي قالت لي هذا طبيعي ويمكن يستمر 7 ايام او اكثر…فهل هذا صحيح..انا ماصدقت اني اخلص من دم النفاس طلع لي هذا النزيف
مشكلتي الثانية ان جرح الولادة ما التم..عطتني الدكتورة كريم ميبو وغسول بيتادين فهل بياخذ فتره لين ما يلتم الجرح والا شوو…بصراحه وااايد احاتي ودي ارجع لحالتي الطبيعية احس بنفسي 60 عوق فيني وكارهه نفسي اريد اخلص وافتك..الحمدلله ريلي مش موجود عنده دوره مسافر احدى الدول العربيه وبيرد تاريخ 10-2 وخاطري اكون جاهزه لما ايي…ارجوكن شورن علي شو اسوي
ما عندي فكرة اختي…ان شاء الله البنات يساعدونج
عادي اختي هالدم يستمر لمدة اسبوع مثل ما قالت لج اختج .. و عن الخياطه ليش ما التأمت لين الحين يمكن ملتهبه .. و من عقب الولاده كلنا حسينا بهالاحساس ان كل شيء فينا خربان و ان ما فينا شيء صاحي ابدا بس الحمدلله كل شيء بيرد مثل ما كان و احسن .. انتي خذي الدوا الي عطتج اياه الدكتوره و ان شاء الله بتكونين احلى عروسه لريلج يوم بيرد ..
اسالي الدكتوره اللي ركبتلج اللولب بس على مااضن انه ماناسبج
أعتقد اللولب مب داخل زين.. أحس وايد سيع ايام أحسن تراجعين الدكتوره بأسرع وقت.. أنا ركبته شهرين وعقب صار عندي نزيف والدكتوره عطتني حبوب منع عشان توقف النزيف بس ماشي فايده أخر شي قلتلها عقيه عني!!
انتي لو صبرتي شوي ما ركبتيه لأن في حد أربع شهور ماتنزل الدوره عندهم مع الرضاعه..
راجعي الدكتوره بسرعه.. وللجرح بتحسين بالألم اذا كان عندج امساك حاولي تشريبن عصير برتقال واكلي لوووز وايد زين عن الامساك..وتغسلي بماي وملح..
للرفع
انا شراتج كم يوم وبخلص الاربعين واحس كل ماعالج شي يطلع شي ثاني وخاصه الا تهابات><..
الله يعين
اتواقع الدم يسمونه دورة الاربعين..
واحسلج راجعي دكتورتج><