هلا خواتي اشحالكن
امس اتخبرني اختي عن وحده وياها فالدوام اتقول اطلع دبه فيها خلطه عجيبه وتشربها طبعا البنت في خلال اسبوع واحد بس نزلت 7 كيلوووو
راحت اختي وسألتها عن خلطتها ردت عليها انها اتيب دبه ماي وتعصر فيها ليمونه وحده بس واتم تشرب منها طول اليوم هاي البنت ما تاكل شي ابدااا
اختي قررت اتقلدها واتقولي من اسبوع اشربها بس اكل كل الي في خاطري ووزنها نقص كيلوين ونص خلال اسبوع فقررت اني اسويها واشربهااا لازم على الاقل 4 دبات في اليوم بس انا ما بشرب 4 يكفي دبتين فاليوم وبعد اسبوع بخبركم الفرق 
وزني الحالي 80 
بردلكم عقب اسبوع وبخبركم عن النتايج 
بالتوفيج يا رب
المشاركة الأصلية كتبت بواسطة (الحمادية) 
شكرا 
الشي اللي يزيد عن حده ينقلب ضده فدييتج .. الليمون ما تكثرييين منه ابدا مب زيين ويسووي حمووضه فدييتج اذا تبين تنزلين وزنج انصحج تاكلين اكلج العاادي بس تخففين من الاكل وتبتعدين عن الدهون و هالسواالف .. يعني كلي اشياء حفيفه .. نصيحه من اخت لااختها فدييتج
المشاركة الأصلية كتبت بواسطة روز احمر مشكوره حبيبتي على النصيحة
انا فكرت اجرب هالطريقة لمده اسبوع
ولان انا اعصر ليمونه وحده بس داخل دبه الماي فبتكون مخففه
وعن الاكل انا احاول كثر ما اقدر اني اخفف منه واوزع الوجبات
الجسم يحتاج غذاء
ها مو ريجيم ها انتحاااار
ليمون يحرق الامعاء و الكلى ة الكبد
عشان تسوين ريجيم تاذين عمرج و اتمين ممريضه بقية حياتج
الصحه او الضعف اي فيهم اهم
عزيزتي ما بتقدرين تعيشين حياتج كلها على ليمون بس
بتضعفين اكيد بسرعه بس اول ما تردين تاكلين الجسم يكون محروم بيخزن
و بيتضاعف وزنج اضاعاف اللي كنتي عليه
خففي من اكلج بالتدريج لين توصلين لكميه بسيطه
و تقدرين تعيشين حياتج بدون ما تاذين عمرج
الرياضه مع التخفيف من الاكل هي اللي بتفيدج
صحيح ما بينزل بسرعه بس اكيد بعد ما بيرد بسرعه
و الاهم ان ما بياثر على الصحه اللي هي اهم شي
قللي اكلج بالتدريج
و عقب ما توصلين للمقدار المناسب
انصحج بنظام السعرات مع الرياضه
الله يديم عليج الصحه و العافيه يااارب
مونتاج مشكوره حبيبتي ويزاج الله خير على النصيحة
اكيد الصحه اهم من الضعف