السلام عليكم ورحمة الله وبركاته
جولتنا لهذا اليوم بتكووون في ..~
The Address ***** Marina
طبعا رحته لما كنت في مهمة عمل وكان معايه قروب كبير ما شاء الله ومسوين عروض لان نحن رحنا فالاجازه .. كل غرفه كانت ب 600 درهم الغرفة لشخصين سينقل ^_^ .. مع وجبة الريوق طبعا 
بس نحن تغدينا بعد ودفعنا عن وجبة الغدا يعني الغدا مب محسوب بس الريوق ..~
المهم خلونا نبدأ الجوله بسم الله ..~
الوصول والاستقبال ..~
الله يا حلاة الاستقبال يابولنا عصير ليمون بااااارد ويابولنا فوط باااارده بريحة الليمون بعد يا ويل حالي عيبتني الفوطه هههههه ^_^
هنيه كنا نوزع الغرف .. كل اثنين بغرفه
هذا اللوبي مالهم مكان مريح والاجواء حلووه ^_^
يتبع ..~
الغرف ..~
الباب المفتوح هذا.. دورة المياه وانتو بكرامه ^_^
بلكونتنا كانت تطل على هالمنظر >< .. حوض السباحه ^_^
الغرفه موفرين بها كل شي من كوايه وسشوار وخيوط وازرار وخفايف حلويات وشبس وهالسوالف.. كل اللي تحتاجونه موجود
الــ WC وانتو بكرامه ..~
وهنا في طريقنا عشان نعبي الكرشه هههههه وقت الغدا ..~
هنيه تغدينا .. ريوقهم حلو بس غداهم الله يزيد النعمه ما عيبني ابد لا انا ولا اللي معايه ^_^
النهايه ..~
بعد ما سوينا جيك اوت هذا يحليله اللي وصل شنطنا ^_^
يلا قولوا باااي ههههه هنيه لحظه وداعيه للمكان هع هع
وبس انتهت الجوله كانت رحله ممتعه الصراحه انصحكم المكان روووعه وخدماته حلوه
من هنيه ترومون تحجزون
http://www.booking.com/hotel/ae/the-…6027052323;ws=
فعلا انا سكنت في السنه الماضيه
جدا مريح و اهم شي ان المول قريب جدا من الفندق
يعطيج العافيه على هالصور
المشاركة الأصلية كتبت بواسطة قمره 
جدا مريح و اهم شي ان المول قريب جدا من الفندق
يعطيج العافيه على هالصور
هيه صح انا شفت وايدين من قطر والبحرين والسعوديه هناك ^_^
صدقتي حلاته ان المول قريب انا الصبح رحت اتمشى فالمول محد فيه فاضي والله تاخذين راحتج جنهم فاتحين المحلات لج هههههه
الله يعافيج الغلا نورتي ..~
^_^
الله يعطيج العافيه مشكوره الغلا
سكنت فيه يوم عيد زواجي
وحلوا وااايد الفندق
بس الذكرى اللي فيه ما كانت حلوه
وما افكر احجز فيه مره ثانيه لووووووووووول