———————————————————–
السلام عليكم وحمة الله وبركاته,,,
شو اخباركم خواتي,,؟ ان شاء الله بخير,,,
بغيت دعواتكم ونصيحتكم لي,,,
انا وزوجي الحمد لله كل شي طبيعي عدنا,,,
وخذت كلوميد وابر وسويت تلقيح مرتين وما فاد ويايه،،،
وسرت مسحت عند حرمتين وما شاء الله عليهم معروفات انهم اوكي,,,
وقالولي ما فيج شي الحمد لله،، ومع هذا ما صار حمل والحمد لله على كل حال،،،
وانا صار لي سنه و 3شهور من عرست,,,
وما صار لي حمل وكله بيد الله ،،،
وكل تاخيره فيها خيره ان شاء الله يارب
بلز بلز بلز خبروني عن احسن مكان يسوي تلقيح صناعي في الشارجه,,,
ولا بشو تنصحوني,,,هل اسوي طفل الانابيب…؟!
ولا اصبر ولا شو اسوي,,,
الله يخليكم انا وايد ضايقه ومب عارفه شو اسوي,,خاطري احمل وايب صغاريه,,,
وما شاء الله كل ايلي عرسو ويايه وعقبي حملوا وربوا,,الله يحفظهم ويهنيهم يارب,,,ويعطيهم من خيره يارب ويعطيني,,,
ويارب يرزقني ويرزق كل محرومه بالذريه الصالحه يارب,,,
دعوواتكم خواتي بلز لا تبخلون عليه ،،،
" ربي لا تذرتي فرداً وانت خير الوارثين":22 (29):
اصبري توه الناس الله يرزقج
في عياده على البحيرة اسمه ايفا للإخصاب ما اعرف عنهم اي شي
حبوبه اذا حصلتي خبريني 
اصبري حبيبتي
وربي يرزق من يشاء
ولا تفتكرين انج بروحج خاطرها تحمل وااااااااااااااااااااااااااااااااااااااايد غيرج
وتوج من عرستي سنه وثلاث شهور لا تستعجلين تسوين انابيب
انا استوالي وايد كم سنه والله خاطري بس بواحد بيبي واحد
وجربت كل شئ يخطر في بالج من علاج عادي الي انابيب الى مسح كل شئ
لكن الله يوم يريد يكن له كن فيكون
ونحنا ما قدامنا الا الصبر والدعاء والاستغفار والله بيده كل شئ—–
ربي يرزقج ويرزقني ويرزق كل محروم يااااااااااااااااااااااااااااااارب—
ربي لا تذرني فردا وانته خير الوارثين—-
مرحبا يا المهيرية……..gif "13 (41)")
…..حبيت اقولج أنا شراتج صارلي مزوجة من سنتين وحملت من كم شهر و مات البيبي عندي …..gif "12 (1)")
….قبلها كنت اسير افحص ايقولولي مافيج شي موول و لا حتى زوجي قالولي خذي ادوية تساعد رفضت..لاني كنت اقول دام انه مافية شي مالها داعي الادوية و الحمدالله اكثرت من دعائي و ياني الخير من عند ربي و حملت و يوم حملت عرفت ليش انا حملت في ها الفترة وليش مب قبل سبحانالله ربج له اسبابه و يوم مات البيبي قلت الحمدالله على كل شي و حتى يوم مات عرفت ليش ربج خذاه……..اسمعي يا المهيرية ربج له حكمة في كل شي كوني قريبه منه و انا اقولج لا تلعوزين عمرج بالادوية و الانابيب و خفي الضفط النفسي الي مسببتنه لعمرج ادري اليهال حلوين و منو ما يباهم اساليني انا بس الحمدالله على كل حال………..نصيحة اخيرة اكثري من الدعاء و الاستغفار و حاولي تحملين في ايام التبويض و بتعريفن يوم التبويض عندج باستخدام جهاز اسمه كلير بلان و لازم تحاولين انتي و ريلج في اليوم الي عندج فيه تبويض ..هاي كانت طريقتي و على شهرين و الحمدالله ضبطت معاية… …
.السموحة على الإطالة
الغالية انتي مب بروحج في هاي الدوامة انا صار خمس وبدخل ست سنين معرسة وما حملت بعدني وانا وريلي ما فينا شي لكن انا عندي الدورة مو منتظمة
حبيبتي ما عليج الا الصبر والتوكل على الله هو اللي يعطي عليج بالاستغفار واااااااااااااايد
عسى الله يرزقج بالذريه الصالحه ويفرح قلبج يارب
مرت اخوي2سنتين من تزوجت يالله حملت معنهم مافييهم اي شي
وبعد 3 شهور مات البيبي =(
وبعدها بسنه يالله حملت مره ثانيه والحمدلله الله رزقها بنوته
الفال لج يوم تترسين البيت يهاااال
بس نصيحتي كثري من الاستغفااار واطلبي ربنا باوقات استجابة الدعاء
عسى الله يرزقج ويفرح قلبج ولا يحرمج يارب ويرزق الكل يارب =)