درس لعمل لــــوك ناعـــــم بأنامل ميعاد الحمــــــادي حيــــاكم ^_^!!

حبيت أوريكم شلون نقدر انسوي هاللوك بطريقة سهلة و بسيطة..
اسمحولي لأن هذي عيول مودل و كان الوقت ضيج و ماقدرت أصور الخطوات..
فراح أشرحها كتابي و أتمنى انكم تفهمون..

2) انحط الكونسيلر على جفن العيون و أنا عن نفسي عندي كذا كونسيلر ارتاح لهم بس اللي أفضلة أكثر شي استك كرولاين ..

3) أحيانا احدد ملامح الوجة بالكونسيلر الغامق قبل لا أبدأ بتوزيع الآي شدو.. و أحيانا اتركه للنهاية كل وحده و على راحتها ..

4) نبتدي انوزع الإضاءة فالبداية انحط الشدو المائي الأكوا اللون الأبيض من كرولاين سواء كانت اضاءتج بيضة أو ذهبية لأن يبرز عظمة الحاجب و أنا اخترت للوك شدو بن ناي المائي اللي بلمعة اللون الأبيض فوق الإضاءة الأكوا ..

5 ) و عقب حطيت الشدو المائي من اتولير اللون الطوبي المائل على المارون على نصف الجفن المتحرك ابتداءاً من رموش العيون و حتى المنتصف .

6) عقب اخترت اللون الأورنج لأن يعتبر من الألوان الترابية مع اللون الطوبي و حبيت يكون زميل اللون الأورنج في هذا اللوك كنوع من الإبتكار ، المهم انوزع اللون الأورنج من منتصف العين و حتى الإضاءة اللي تحت الحاجب بس مش اتوصلينه للحاجب و اتغطين على اضاءة الحاجب لأ..
و تبدئين تدمجين مابين الشدو الطوبي و الأورنج بشكل ممتاز ..

7) و في النهاية راح يطلع لج الشدو بهل الطريقة الرائعة..

8) طبعا الحين راح ايي دور الكحل .. حطيت اللون الأبيض داخل عيون المودل لأنها صغيرة و احتاجت لأن اوسعها انا اقتنعت فيه ، بس ممكن اللي ماتحب اتوسع عيونها اتحط الكحل الأسود أو أي كحل ملون درجته اتكون غامقة..

9) رسمت العيون بفرشة انجلوت المشطوفة من أسفل العين و حتى الزاوية الخارجية للعين و سحبت الطرف بفرشة ثانية صغيرة تنفع للزوايا الخارجية فيها شوية شدو اسود من مكب فور ايفر ، و طبطبت على اللون المارون شوية شدو اسود بالفرشة عسب يعطيني كأنه لوك سموكي بس ناعم و لكن بدرجة أغمق عن اللوم المارون بشوي .

10 ) يبت الكحل السائل و رسمت فيه العين بشكل سمبل و يبرز العيون ، و رسمت فوق كحل بن ناي اللي رسمته اسفل العيون مرة ثانية عسب يعطينا سواد فاحم و يثبت الكحل بنفس الوقت ، و يبت الرموش الناعسة و ركبناها في الأخير..