مرحبـآ خوآتـي ..
اشح ـآآلكن ؟
هممـ .. الصراحه هآي أول مشآركه لي فـ منتدآكم , لأنـي عضوه يديده !
ما توقعت اني أحطي شرات هالموضوع هنيه !
بس بعد ما قريت الموأضيع و شفت كيف انكم تساعدون تنصحون بعض و ما شاء الله عليكم
كأنكم يد وحده ( الله يديم المحبه و الصداقه امبينكم يارب ) , قلت ليش ما أعر لكم مشكلتي بحكم انه شي
هنيه بنات أكبر عني و أكيد عندهم خبره و ان شاء الله يفيدوني ..
ما بطول عليكم و بعرض لكم مشكلتي اللي محيرتنـي وآآآيد 
سلمكم الله أنا طالبه عمري 18 .. يعني المفروض الحين أكون فـ الجامعه
بس للأسف أنا الحين فـ البيت و طفرآآنه حدي من القعده ..
بقولكم السبب ؟!
من و أنا صغيره كان حلم حيآتي إني أدرس فـ جامعه الامارات اللي فـ العين مع إني من الغربيه و الدرب طوييل علي ..
بس ما همني , لانه أهم شي عندي فـ حياتي دراستي ..
و الحمدلله أنا متفوقه فـ داراستي و نسبتي 96 عشان جي قبلوني فـ جامعه العين اللي أبآهآ 
فـ البدايه كنت مستآآآنسه حدي مع إني الوحيده من ربيعاتي فـ هالجامعه و محد وياي من دفعتي غير كمن بنت .. و حتى اني مش وايد معاهم
مر الاسبوع الاول ع خير و الثاني .. بس فـ الاسبوع الثالث حسييت اني طفررررت و مب متحمله أقعد فـ هالمكان ثانيه وحده ..
سبحان الله كرهته مره وحده .. كنت أحاول اتأقلم من البنات بس مب قادره .. و طبعا من اللي اشوفه حسيت اني كرهت البنات و الجامعه بكبرها ..
و اللي زيد علي معاناتي موقف صار لي مع أحد ( البويات ) الله لا يوفقها ان شاء الله دنيا و لا آخره
صدقوني انا مب من عوايدي أدعي ع حد .. بس من القهر اللي فيني و من اللي سوته فيني , الله لا يسامحها ..
بس أنا حاولت كثر ما اقدر انه ما يأثر فيني هالموقف و انساه ..
طبعا ما قدرت انساه .. بس كنت اتناساه عشان ما اتعب و اقدر اكمل حياتي فـ هالجامعه
و حتى البنت اللي كانت وياي فـ الغرفه مب لين ذاك الزود , ممله لأبعد الحدوود وكله راقده
يعني جد مليت من الحياه فـ هالجامعه و خصوصا انه محد وياي من ربعي يوقف وياي
أدري طولت عليكم .. بس تحملوني شوي .. و الله ماعندي حد اشكي له .. احس اني بختنق
المهم .. فـ الاسبوع الثالث أمايه فديتها دقت لي و قالت انه طلعت لي منحه أدرس فـ جامعه بوظبي الخاصه اذا تعرفونها .. طبعا هيه غنيه عن التعريف
مت من الفرحه .. و استانست حدي لانه شي 2 من ربيعاتي المقربات يدرسن هنااك .. قلت لها بدون تردد خلاص بدرس فـ بوظبي
أمـآآيه استغربت طبعاا !!
تقولي من متى انتي تحنين تبين تروحين العين .. و الحين بتنقلين بوظبي ! ليش ؟
انا ماعرفت شو اقول لهاا .. بس قلت لها انا ما ارتحت هنيه !
و فـ نفس اليوم سرت القبول و التسجيل و وقفت الكورس و أي حد يسألني ليش ! اقول لهم تعبانه و جي بداوم ع الكورس الياي أحسن .. اضطريت اني اجذب عليهم .. لاني ماعرف شو اقول لهم ! و شو هو اللسبب اللي خلاني أخلي الجامعه اللي كنت أحلم فيهاا ..
ع العمووم .. سرت و سجلت فـ جامعه بوظبي .. بس للأسف الشديييد ما كان عندهم التخصص اللي اباه
و أنا حاطه هالتخصص فـ بالي من زمان .. و ما ابا غيره .. تضايجت حدي
حسيت انه حد داعي علي .. يا ربي ليش حظي جي =(
بس قلت ما عليه بتحمل .. أحسن من هييك الجامعه فـ اخترت تخصص الهندسه المدنيه .. مع انه مب ميوولي كلللش .. بس مادري ليش اخترته !
كنت أبا علوم انسانيه فـ مجال علم النفس .. عندهم كل المجالات الا هالمجال .. قهر و ربي
و بعد ما سجلت طلبوا من شهادة الآيلتس .. طبعا أنا ما قدرت امتحن عندهم على طول .. لاني حسيت انه يباله دراسه أول ..
فـ قالي جي انتي بتتأخرين .. يعني بتداومين ع الكورس الثاني .. قلت له مب مشكله فرصه بعد أدرس للامتحان ..
عسب جي انا الحين فـ البيت .. و كل عصر اسير ادرس انجلش فـ المعهد اللي فـ منطقتنا
و من يومين صادفت ربيعتي الروح بالروح فـ المعهد .. و يلست تكلمي عن المعهد الالماني اللي تدرس فيه .. اللي فـ بدع زايد جان تعرفونه ..
و تمت تحن علي تعالي و تعالي .. وكل بنات دفعتنا هناك بتستانسين .. و هو ع الاقل أقرب من جامعه بوظبي و من العين بعد …. الخ
يعني كانت تبا تقنعني اني ادرس فـ هالمعهد .. و لما رديت البيت خبرت أمايه عن الموضوع
و قالت لي أنا من رايي تروحين بدع زايد . اقرب لج و احسن لج من التعب و أأمن من الجامعات و السكن .. و مرت اخويه هيه ربيعتي و من دفعتي بعد قالت لي نفس الشي .. لانها هيه بعد تدرس فـ هالمعهد و قالت لي انه بنروح و بنرد مع بعض يعني بيكون وناسه .. حسيت اني اقتنعت شوي بكلامهم
مع اني فـ البدايه كنت شاااااااله فكره هالمعهد من راسي .. و كنت اقول مستحيل ادرس فـ بدع زايد
لانه الحمدلله نسبتي عاليه حرام اني اضيعها و ادرس فـ معهد .. انا طموحي أكبر عن جيه
و مثل ما يقولون انه شهاده المعهد مش معترف فيها و مش ولا بد منهاا .. يعني مب لين ذاك الزود !
يعني فـ الاخير تميت محتااااااره بين جامعه العين اللي كنت أحلم فيها من صغري و فيها التخصص اللي اباه .. و بين جامعه بوظبي الاقرب لي و اللي فيها ربيعاتي بس ما فيها التخصص اللي اباه
و بين المعهد الالمـآني اللي الكل نصحني فيه .. بس ما يشبع رغباتي و طموحي
ساعدوني بليز .. ابا نصيحتكم
و السموووحه طولت عليكم وايد .. بس تحملوني انا اختكم الصغيره و محتايه نصيحتكم
و اتمنى من اللي عندها خبره ما تبخل عليه بشي ..
أختكم [ درب الشقآ ] . .
صلي استخاره
والله ما عندي كلام اللى ادعيلج الله يوفقج في حياتج يارب العالمين
مثل ما قالت الاخت
صلي استخاره احسن شي وما خاب من استخار
اب اب اب اب ا
صلي استخاره كم مره اذا ارتحتي لشي روحي له بلا تردد
اذا طلع لج بجامعه الامارات بوصي اربيعاتي عليج
انا راي انج اتمين في جامعه ابوظبي لو ان مافيها التخصص بس مب كل شي الواحد يبيه يحصله ولازم عشان شي نتنازل عن شي وبعد هي جريبه واحسن عن جامعه العين لان صدقيني الصحبه مهمه والنفسيه مهمه كيف بتدرسين وتجتهدين وانت مش مرتاحه وغير سوالف البنات الله يهديهم الي ماتخلص فيها وعن المعهد حرام ان نسبتج وطموحج وتعبج سنين في معهد مش معترف فيه احس هالشي وايد مهم وان شاء الله ربي يوفقج في حياااتج يااااااااااااااارب