السلام عليكم
شحالكم ؟ شخباركم؟
امم هاي قصه حقيقيه وللأسف الناس هايلا أعرفهم
ما بقول شسالفتهم بس بحط قصيده
و ي ريت تفهمون
احمد : ليتــهآ مايآت من بين الحضور … ليتــها في يوم عرســي مادرت
ليت ضحكتهآ تبانها السرور … والبست ثوب الفرح واتبآشــرت
احمد : ليت دمعتهآ امنعتها من الظهور .. وليتني ماشفت عبرتها اظهرت
جان مابان المخبى في الصدور .. واهزمت عيني دمعها واعبرت
احمد : لين بات للملا دمعة صبور .. واسالوني ليه عينك ياتراها اهمرت
قلت هاذي ترى دمعة سرور .. مادرو انها على شان " حمده " جرت
احمد : بس قالت عينها حس وشعور ..و افهمت عيني معانيها وقرت
قالت ابارك زفافك وامعذور ياحبيبي يوم الاقدار اجبرت
قلت تكفي سامحيني ع القصور .. جان نفسي عن حياتج قصرت
قالت الحب المخبى مايبور .. وانت لجلي كم نفسك بادرت
غير اهلي صابهم بعض الغرور وامنعوك من التقرب واحترك
" قالت ودي اقترب منك وادور .. بس تدري لمة الناس اكثرت "
أحمد " ياعذابي منك يابدر البدور .. وياعذابي من حضوري اتعسرت"
احمد " شفت غيرتها تعذبها وتثور .. لين لاحت بالوداع واشرت"
وانتبهت لان من حولي الحضور .. يسالوني وش بلاها عينك جرت
مادرو انها على شان " حمـــــــده " جرت
اكيد عرفتو الحين منو اقصد
" احمد & حمده "
احمد حتى يوم عرسه واقف حذال حرمته يدمع يتخبرونه شو بلاك يقولهم دموع الفرح ما دروا انها لجل حمده
واااه ي حمده حمده انتهت من عقب احمد x.x
أنآا لو كنت بدالهم بمووت بس عقب م احظر عرسه
بحظر زفافك ياحياتي .. بحظر زفاف الي هويته ..
وبرزف عشانك لاتحاتي .. وبهديك كل الي بغيته ..
بهديك دمعي وعبراتي .. والهم لي فيني رميته ..
بحظر ولو بعرسك مماتي .. شايل معي قلبن نسيته ..
واجمل قديم الذكرياتي .. والظيم لي منك خذيته ..
وبذكر ليالي الماضياتي .. كنت الوليف الي اهتويته ..
كنت الذي لاجله أباتي .. ساهر ونومه ما اهتنيته ..
بهديك في ليله وفاتي .. حلم الليالي لي طويته ..
واعطيك من قلبي امنياتي .. تلقا الهنا بدرب مشيته ..
وتعيش في راحه وسباتي .. ويا الذي عقبي لقيته ..
بحظر زفافك ياحياتي .. بحظر زفاف الي هويته ..
يالله ي كريم لا تفرق بين حبيبين
تخيل في لحظه الحين انك تفقد شخص غالي عليك ؟؟
حاربو لجل نصكم الثاني
لاا تخونون في بعض
لا تظلمون الغير وياكم
انا ما اقول غير
ربيه يخلي كل حبيبن لبعض
انا ما أؤمن بالحب
بس وحده كانت شراتي بس عقب تغيرت
بس فجا تغير كل ها
كانو يقولولي الحب عذاب وم ادري شو
هو صح عذاب وصايح وسرحان وتفكير .. الخ
بس عقب يوم بتتذكرون بتضحكون
اكيد الحين الكل يقول هاي ياهل
وشو دراها وماادري شو وخر
بس صدقوني ان كل ها حقيقه مستويه جداامي
ربي يعين كل حبيب وحبيبه صراحه
أتمنى الكل يقرأها ويحس فيهآا
صدقوني يتحسون بشيء
سوا اولاد لا بنات
حطو محلكم بدال احمد وحمده
شو بتسوون !؟؟
هاي كان احمد دوم يقولها كل ما شاف حمده
حسبي الله عالذي سبب شقاتي
لي سقاني المر عقب السلسبيل
اللي بعد مجراك عن مجرى حياتي
وافرقك عني بعد عمرن طويل
يا حبيب الروح بكتبلك وصاتي
ان غديت اليوم في حبك جتيل
انشدك بالله لي طفت برفاتي
لاتخلي دمعة عيونك تسيل
انا تأثرت بصدق وتخيلت عمري افقد شخص
اممم بس التفكير فيه يجتلك وين لو صدق
ربي يحفظكم كلكم ي رب
لا تستهينون بهالاشياء
) اعرف أن اغلبيتكم م بيصدقون
بس والله وانا احلف
كل الي هني بحطه حقيقي
اعرف اني طولت وايد
خخ اصلا معجزه كتبت ها كله احمم يعني
من الملل قلت بحط لمستي هني شويات
انا باديه اكتب 12فليل الحين 12.50
إنجاز والله)
ي ريت تقرونهاا