السلام عليكم و رحمه الله ..
شحالكم خواتي؟
خواتي بعد طول انتظار >< ان شاءالله ملجتي بتكون يوم الخميس ، بليز ادعولي ، لأني محتاجه دعائكم من قلب ..
يوم مهم في حياتي .. و عقبال كل بنت يارب ,,
خواتي بغيت استفسر بشي ، بحكم انه ماعندي حد أسأله غيركن ، و الله يبارك فيكن ابداً ماقصرتن معايه في موضوع لي اهني ^^
بعد الملجه في المحكمه ،، بيكون عشا في بيتنا ان شاءالله ،، و الحضور بس اهلي و اهله ،،
و اما الحفله راح اتكون بعد اسبوعين .. و ساعتها بنعزم كل الأهل و بيكون تلبيس الشبكه .. ^^
اما الحين بنكتفي بعشا بسيط و تلبيس الدبل =)
السؤال: كيف ممكن أقدم الدبله اللي بلبسه ، ><
الحين بيوم الملجه و بحفله الملجه ..؟ شو ممكن اسوي في التقديم؟
و هل اخذ دبله ثانيه حق الحفله و الا هي نفسها البسه مرتين؟
لأنه هو بياخذ لي دبلتين وحده بسيطه و الثانيه اللي بتكون مع تلبيسه الشبكه.
انتظر اراءكم ، بليز لا تبطون عليه .. =(
حتى حيـن ~
آب آب .. ربي يوفقــج …
مبروك مقدما والله يتمم لج ع خير..
أنا اللي أحيده أن الدبله بس تكون وحده مب ثنتين…!!
لان هذاك الخاتم ثاني ايي مكمل العقد..
وتكون مأخذه ساعه ويااه بكون أحلى..
المشاركة الأصلية كتبت بواسطة نجمة الفجر 
..
بالتوفيق انشاءالله
الله يتمم لج ع خير الغالية | و ألف مبروك َ . .
شوفي مافي قاعده تمشين عليها
انا بخبرج رايـي . .
خلي وحدة من خواتج الصغار , تقدم لج الدبلة
مخلتنها مثلاً ع مخدة صغيرة . .
أو عادي في علبة الدبلة ،
و تلبسون بعض قبل العشآ . .
و يوم حفلة الملجة ، خليه يحط دبلته مع الشبكه و جي
في استاند الشبكة أحسن َ ،
لان دبل الشباب نفس الشي يعني ماترومين تاخذين وحده سمبل عقب وحدة راهية
إلا جان بتاخذين له فضة عقب بتاخذين له دبلة فيها ألماسات . . ماعرف والله َ ! . .
و الله يوفقج حبوبة =)
فديت ارواحكن ماقصرتن .. ^^
الله يسمع منكم ياربي .
تسلمين همس الهموم .. صحيح ماشي قاعده .. ^^
ماعندي خوات صغار >< ،، عسب جي ماعرفت شسوي .. والا عادي ببوكس الخاتم نفسه ..
انا خذت له خاتم فضه ..
و هل عادي الألماس؟ حق الحفله ؟؟ عاد ماعرف اذا الرياييل يلبسون والا !!
.. ><
الله يتمم لج على خير ..