السلام عليكم ورحمة الله وبركاته
بقول لكم قصة بنت اعرفها … ونبغي رايكم والحل من عندكم
اعرف بنت اكتشفت انه ابوها يكلم وحدة من تلفون ثاني …
قامت البنت وخبرت امها
واهيه للحين منصدمة شلون اللي تحبه وااايد واكثر من نفسها
اللي هو ابوها يسوي جذيه
وتقول انا اقدر اوصل اللي ترمسه … واسويها بيزة ما تسوى
وايبها من شعرها لامي اللي ما تستحي حسبي الله ونعم الوكيل فيها
لكن البنت بعدها تفكيرها مشوش… ومصدومة واااايد ><
شو رايكم انتوا …؟؟؟
و ابوها عمره في اللاربعين
الام ما مقصرة بشي ابد … قايمة بكل شي على اكمل وجه
><
الله المستعان
وشلها تتلكف تخبر امها
لو هي تقدر تيبهاعلى قولتها جان كلمتها وواجهتها
وهدتتها بالابتعاد عن ابوها
ولا بس كلااام
المفروض ماكانت تتسرع تحل الامر والامشكله لو هي كانت عاقل
علشان ماتزرع الشك بين الام والاب
البنت في الثانوية ….ومن صدمتها ما عرفت كيف تتصرف … واهيه قريبة من امها وايد
وما تخبي عليها شي
وبعدين بالعكس هي ما زرعت الشك الا الام تعرف تتصرف وتواجه قبل لا يفوت الفوت
النت لو راحت لها وهددتها … تعتقدين هاااااي اللي ما تتسمى بيردعها هالشي
وبتوقف … ولا بتكمل … !!
ويوم انها قالت انها تبغي توصل لها … اكيد بتحاول توصل لرقمها وتحتال عليها وترابعها وتعرف منها
بس شو الفايدة …
اذا يه يوم وانصدمت انها على علاقة ويا ……!! او انه في يوم تتزوجه
اهيه تبغي منكم شو تسوي …؟؟!!!
انتوا كبار وعندكم خبره ساعدوها …!!
يعني تخلي الام يا غافلين لكم الله "بالعكس كام لازم تقولها دام انه هي ما ظلمت ابوها ومتأكده 100% " والا تتريا ابوها يتمادى بالغلط عقب تقول دريت وسكت
الله يهدي ابوها ان شاء الله
والسموحه هذا رائ شخصي
الله المستعاان00حبيبتي هي خبرت امهااا وانتى دورهااا فديتج
الحين الام المفروض تحل مشكلتهااا بدون تدخل البنت 00عزيزتي امهاا ادرى بريلهااا
وأكيد عندهاا الخبرة الكاافيه بحل امورهاا الزوجيه ^^
والبنت انتهى دورهاا وما عليهاا الا انهاا تلتفت لدرااستهاااا وتحااول تنسى
مع ان هالشي صعب لكن خليهاا تحااول 0
الله يسخر بوهاا لدينه ولهم يااارب0
سبحان الله
الله المستعان
صعبه يوم نشوف الاب يخون زوجته بعد هالعشره ، انزين ليش ماتفاتح ابوها بالهداوه وبتفاهم وتبينله انه اللي قاعد يسويه غلط وانه هو كل شي بحياتهم ومايبون حياتهم تخترب بسبة غلطه غلطها ..
الله يهديه ويترك هالبنت..